ERMENI HABER AJANSI

Թուրքական «Bianet» լրատվական կայքն անդրադարձել է «Սարը գելին» երգի` հայ երաժիշտ Արտո Թունջբոյաջյանի կողմից գրված բառերով նոր տարբերակին` ներկայացնելով վերջինիս մեկնաբանությունը երգի տեքստի պատմության մասին:

«Մանկությանս տարիներին, երբ տխուր էի լինում , լսում էի «Սարը գելին» երգը: Մորս վերջին օրերին, երբ ծանր հիվանդ էր,  «Love is not in your mind» անվանումով ալբոմիս համար ձայնագրություն էի անում: Այն ժամանակ դեռ փոքրիկ սազով էի նվագում: Թոքրիկ սազովս վերջին անգամ նվագեցի «Սարը գելին»-ը մորս համար: Նրան շատ դուր եկավ, ինձ ասաց.

«Քեզ մի խնդրանք ունեմ. ինձ հանկարծ Ամերիկայում չթաղեք, իմ հայրենի հող կտեղափոխեք, այդ երգն էլ կնվագես շիրմիս վրա: Շատ չանցած մայրս մահացավ: Նրան տեղափոխեցի Թուրքիա` իր ծննդավայր: Ստամբուլի Շիշլի թաղամասի գերեզմանոցում`հորս կողքին, հուղարկավորեցինք: Նրա սիրած երգին նոր բառեր գրեցի, անունն էլ դրեցի «How I can say goodbye to you»: Երբ բոլորը գերեզմանից գնացին, մորս  համար երգեցի այդ երգը:

Ermenihaber.am