Թուրքիայում բանակի գեներալ է ձերբակալվել

Տարածաշրջան07:13, 22 Փետրվար 2013

Թուրքիայում բանակի գեներալ է ձերբակալվել

Թուրքիայում շարունակվում են փետրվարի 28-ի գործով պաշտոնաթող բարձրաստիճան զինվորականների ձերբակալությունները: Թուրքական «Habera» լրատվական կայքի հաղորդմամբ` Անկարայի դատարանը բավարարել է պաշտոնաթող զինվորական, բանակի գեներալ Շյուքրյու Սարըշըքին ձերբակալելու մասին հայցը:

Լրատվականը հիշեցնում է նաև, որ ձերբակալված գեներալը «Մեծ մուրճ» (Balyoz)հեղաշրջման ծրագրի դատավարության մեջ ներգրավված է որպես վկա: Նույն գործի շրջանակներում հարցաքննության ենթարկված գեներալ-գնդապետ Դողան Թեմելը դատարանի որոշմամբ պայմանականորեն ազատ է արձակվել՝ երկիրը չլքելու պայմանով:

Հիշեցնենք, որ վերջին շրջանում Թուրքիայում հաճախակիացել են զինվորականների ձերբակալությունները: Շատերի նկատմամբ էլ սահմանվել է հատուկ հսկողություն՝ կապված 1997 փետրվարի 28-ի հեղաշրջման ծրագրի գործով սկսված հետաքննության հետ:

Զինվորականների նկատմամբ շարունակական դարձած քրեական հետապնդումները պատճառ են դարձել, որպեսզի բազմաթիվ զինվորականները լքեն համակարգը: Այսպես` 2009-ի հունվարից մինչև 2012-ի հունվար ընկած ժամանակահատվածում հրաժարական է տվել Թուրքիայի զինված ուժերում ծառայության մեջ գտնված 13.751 զինծառայող: Նրանց շարքերում եղել են բազմաթիվ գեներալներ, ծովակալներ, սպաներ և ենթասպաներ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: