Մշակութային20:58, 20 Փետրվար 2013
Ոսկերչության հայ վարպետները հավաքվել են Փարիզում
Աշխարհի տարբեր երկրներում ապրող ոսկերչության հայ վարպետները մեկտեղվել են Ֆրանսիայի մայրաքաղաք Փարիզում, որտեղ կազմակերպվել է նրանց կատարած աշխատանքների ցուցահանդես: Այն կազմակերպել է «Հայ ոսկերիչների միությունը» (ՀՈՄ-AJA): Ըստ թուրքական Սաբահ (Sabah) պարբերականի` Թուրքիայից մասնակցել են Ավեդիս Քենդիրը և Սևան Բաչակչըն: Նրանց գործերը մեծ հետաքրքրություն են առաջացրել: Ավետիս Քենդիրը, ով Ստամբուլի փակ շուկայի ճանաչված վարպետներից է, ներկայացրել է 2011թ. արքայազն Վիլյամի և Քեյթ Միդլթոնի հարսանյաց հանդեսի կապակցությամբ Անգլիայի թագուհի Էլիզաբեթի համար պատրաստած գլխարկաձև մանյակի էսքիզը:
Փարիզում ցուցադրվել է նաև Նյու-Յորքում բնակվող Հագոբ Բարդագլյանին պատկանող 100 կարատանոց աշխարհի ամենամեծ դեղին ադամանդը, որի արժեքը գնահատվում է 15մլն դոլար: Աշխարահռչակ հայ երգիչ Շառլ Ազնավուրը հյուրասիրություն է կազմակերպել մեկ հարկի տակ հավաքված հայ վարպետների համար:
«Հայ ոսկերիչների միության» հաղորդմամբ` հավաք-ցուցադրության հիմնական նպատակը, սկսնակ և փորձառու վարպետների միջև կապը պահպանելով, ոսկերչության բնագավառում ավելի մեծ հաջողությունների հասնելն է: Ցուցահանդեսին ներկայացվել է Ֆրանսիայից, Իտալիայից, Բելգիայից, Կանադայից, Հունաստանից, Լիբանանից, Ռուսաստանից, Շվեցարիայից, Թայլանդից և Միացյալ Նահանգներից ժամանած ավելի քան երկու տասնյակ վարպետ ոսկերիչների գործեր:
Ermenihaber.am
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |