Թուրքիայում ձերբակալվել է ևս 4 գեներալ

Տարածաշրջան11:26, 15 Փետրվար 2013

Թուրքիայում ձերբակալվել է ևս 4 գեներալ

Փետրվարի 28-ի գործով ցուցմունք տված թուրքական բանակի 8 պահեստազորային (պաշտնաթող) զինվորականներից 7-ին ձերբակալելու միջնորդություն է ներկայացվել Անկարայի՝ ահաբեկչության դեմ պայքարի հարցերով զբաղվող դատարան:

Հիշեցնենք, որ փետրվարի 28-ի գործը սկսվել էր փաստաբան Յունուս Աքյոլի նախաձեռնությամբ, որը 2011 թվականի ապրլին դիմել էր Անկարայի գլխավոր դատախազություն՝ 1997թ. փետրվարի 28-ին տեղի ունեցած իշխանափոխության փորձը քննության առնելու պահանջով:

Ըստ «Cumhuriyet» օրաթերթի` դատավորը բավարել է նրանցից միայն 4-ին ձերբակալելու հայցը: Ձերբակալվածների թվում են գեներալ-մայոր Այհան Ջանսևգիսին, բրիգադի գեներալներ Ռեֆիկ Զեյթինջին, Մեթին Յաշար Յուքսելենը և գնդապետ Ջենգիզ Քոշալը:

Մյուս երեքը՝ գեներալ-լեյտենանտ Թեմել Բաթմազ Դանդինը, գեներալ-մայոր Ֆուաթ Բյույուքջիվելեքը և գնդապետ Ահմեթ Զիյա Օզթոփրակը, դատարանի վերահսկողության տակ մնալու պայմանով ազատ են արձակվել:

Բարձրաստիճան զինվորականների ձերբակալությունների վերաբերյալ Թուրքիայի զինված ուժերի Գլխավոր շտաբը հանդես է եկել գրավոր հայտարարությամբ՝ ժխտելով որոշ լրատվամիջոցների այն պնդումները, թե ձերբակալությունները տեղի են ունեցել գործը քննող Անկարայի դատախազությանը Գլխավոր շտաբի կողմից ուղարկված նոր փաստերի հիման վրա:

«Համաձայն Գլխավոր շտաբի ղեկավարության՝ տվյալ խնդրի վերաբերյալ դատախազությանը որևէ փաստատուղթ չի ուղարկվել, և նմանատիպ բոլոր պնդումները անհիմն են»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: