Ստամբուլում ծեծի ենթարկված հայ կնոջը կուրություն է սպառնում

Հասարակական12:59, 23 Հունվար 2013

Ստամբուլում ծեծի ենթարկված հայ կնոջը կուրություն է սպառնում

Ստամբուլի հայաշատ Սամաթիա թաղամասում հայերի դեմ ուղղված հարձակումները շարունակվում են:
Ըստ աղբյուրի`երեկ երեկոյան Սամաթիայում ևս մեկ տարեց հայուհի ծեծի է ենթարկվել: Հարձակման ընթացքում չարագործները կոտրել են կնոջ ակնոցը և վնասել աչքը, ինչի հետևանքով այժմ կնոջը կուրություն է սպառնում:

Այն փաստը, որ դեպքերի առնչությամբ համապատախան մարմինները որևէ պաշտոնական հայտարարություն չեն տարածում և ոչ մի մեղավոր դատարանի առջև չի կանգնում, հատկապես Սամաթիայի հայերին սարսափի մթնոլորտում է պահում:

Նշենք, որ որ միային վերջին 1 ամսվա ընթացքում, բացի վերոնշյալ դեպքից, Սամաթիա թաղամասում բռնության զոհ է դարձել ևս 3 հայ կին:

Բոլորովին վերջերս սեփական բնակարանում դաժանորեն սպանվել էր 84-ամյա հայուհի Մարիթսա Քյուչուքը: Կնոջ մարմնի վրա հայտնաբերվել էր դանակի 8 հարված: Անցած տարվա դեկտեմբեր ամսին կրկին Սամաթիայում 87-ամյա մեկ այլ հայ կին էր դաժան ծեծի ենթարվել և կորցրել տեսողությունը: Բացի այդ, Սուրբ Ծննդյան օրը` հունվարի 6-ին, անհայտ անձինք փորձել էին առևանգել մեկ այլ տարեց հայուհու:

Ermenihaber.am

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։