Թուրքիայի միակ հայաբնակ գյուղը պատմություն է դառնում

Հասարակական12:43, 08 Հունվար 2013

Թուրքիայի միակ հայաբնակ գյուղը պատմություն է դառնում

Թուրքիայի Հաթայի շրջանում գտնվող միակ հայաբնակ գյուղը՝ Վաքըֆլըն, քաղաքապետարանի որոշման համաձայն վերածվելու է թաղամասի: Այս մասին հաղորդում է թուրքական Սաբահ (Sabah) պարբերականը:

Նույն աղբյուրի համաձայն` գյուղի հայկական բնակչությունը դժգոհ է վերոնշյալ որոշումից: Գյուղացիների պնդմամբ` Վաքըֆլըն, որպես Թուրքիայի միակ հայկական գյուղ, մեծ թվով զբոսաշրջիկների հետաքրքրությունն է առաջացնում: Գյուղապետ Բերչ Քարթունը փոխանցել է, որ գյուղացիները պահանջում են ՝ 1939թ.-ին պետության կողմից Վաքըֆլըին տրված գյուղի կարգավիճակը ևս վերահաստատել նաև քաղաքապետարանի որոշումով:

«Գյուղին թաղամասի կարգավիճակը տալու դեպքում գյուղի բարեկարգման աշխատանքների թույլտվության իրավունքը գյուղապետարանից կանցնի քաղաքապետարանին: Այդ դեպքում գյուղական խորհրդավոր մթնոլորտը կփոխվի՝ վերածվելով զվարճանքի վայրի»,- ավելացրել է Քարթունը:

Ermenihaber.am

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։