Պատմական հայկական աղբյուրը վերադարձվել է պոլսահայ համայնքին

Հասարակական10:48, 18 Դեկտեմբեր 2012

Պատմական հայկական աղբյուրը վերադարձվել է պոլսահայ համայնքին

Թուրքական «Միլլիյեթ» (Milliyet) օրաթերթի` տեղեկացմամբ` Ստամբուլի նահանգի Սարըյեր շրջանի Բոյաջըքոյ գյուղում գտնվող պատմական «Հայկական աղբյուրը» վերադարձվել է Ստամբուլի սուրբ Երից Մանկանց հայկական եկեղեցու հիմնադրամին:

Հիմնադրամների խորհրդի տնօրեն Նազարեթ Օզսահակյանը նշել է, որ իրենք այդ արդյունքին հասել են 12 տարվա համառ պայքարից հետո: Համապասխան վավերաթղթերի միջոցով հիմնավորվել է այդ աղբյուրի հայապատկանելությունը և վերադարձվել իրական տերերին:

Նշենք, որ այդ աղբյուրը կառուցել է սուլթան Մահմուդ 2-րդի հարկահավաք Միսակ Ամիրա Միսակյանը 1843 թվականին` նվիրված հոր` Պետրոս Միսակյանի հիշատակին: 1949-ին Թուրքիայի կադաստրի վարչությունը ապօրինաբար աղբյուրը հանձնել էր Սարըյերի քաղաքապետարանի ենթակայությանը: Աղբյուրը անտերության էր մատնվել և օրեցօր քանդվում էր:

«Աղբյուրի դրությունը իսկապես շատ թշվառ էր: Մենք անպայման ձեռնարկելու ենք վերանորոգման աշխատանքներ»,- հավաստիացրել է Օզսահակյանը:

Ermenihaber.am

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։