ԱՄՆ-ն չի սատարում քուրդ-թուրքական բանակցություններն առանց Բաղդադի

Տարածաշրջան10:08, 13 Դեկտեմբեր 2012

ԱՄՆ-ն չի սատարում քուրդ-թուրքական բանակցություններն առանց Բաղդադի

Ինչպես տեղեկացնում է թուրքական «Միլլիյեթ» (Milliyet) օրաթերթը, Ամերիայի Միացյալ Նահանգները նախազգուշական ուղերձ են հղել հյուսիսիրաքյան քրդական իշխանություններին և թուրքական կառավարությանը: ԱՄՆ պետքարտուղարության խոսնակ Վիկտորիա Նուլանդը, անդրադառնալով գազամատակարարման վերաբերյալ քրդական և թուրքական իշխանությունների միջև ընցթացող բանակցություններին, ասել է.

«Մենք չենք աջակցում Իրաքի որևէ շրջանից գազի արտահանումն առանց Իրաքի կառավարության հաստատման: Կոչ ենք անում զերծ մնալ հարևան երկրների միջև լարվածությունն ավելացնող ցանկացած մեկնաբանություն կամ գործողություն անելուց»:

Նշենք, որ Իրաքի նավթային և գազային պաշարների վերահսկաման հարցում երկար ժամանակ տարաձայնություն կա Բաղդադի և Էրբիլ (Հյուսիսային Իրաքի քրդական ինքնավարության կենտրոն Էրբիլ) միջև:

Հիշեցնենք, որ ոչ վաղ անցյալում քրդական ինքնավարությունը թուրքական իշխանությունների հետ էներգակիրների արտահաման համար գազամուղի կառուցման շուրջ համաձայնության էին եկել` շրջանցելով Բաղդադի գերակայությունը: Այժմ ընթանում են գազամուղի անցկացման նախապատրաստական աշխատանքները: Իրաքյան Քուրդիստանի էներգակիրների նախարարի տեղեկացմամբ` ծրագրվում է տարեկան Թուրքիա մատակարարել 10 մլրդ խմ գազ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: