Հասարակական09:18, 10 Դեկտեմբեր 2012
Փաշա Ալիհանը չարախոսել է հայերի մասին
Մեսխեթցի թուրքերի իրավունքների պաշտպանության
կենտրոնի նախագահ Փաշա Ալիհանը հրավիրել է մամուլի ասուլիս և բարձրաձայնել
մեսխեթցի թուրքերի իրավունքների ոտնահարման մասին: Նա լրագրողներին հայտնել է, որ տասնյակ
հազարավոր մեսխեթցի թուրքեր ապրում են օտարության մեջ և ցանկանում են վերադառնալ
ու վերահաստատվել Թուրքիայում:
Ինչպես տեղեկացնում է թուրքական «Sondakika» լրատվական կայքը, նրանք օրեր առաջ հանդիպում են ունեցել Թուրքիայի վարչապետ Թայիփ Էրդողանի հետ և ներկայացրել իրենց մտահոգությունները:
«Մենք նրան ասացինք` օգնության ձեռք մեկնեցիք Պաղեստինին ու Սոմալիին, մեզ էլ ձեռք մեկնեք էլի: Մեր միակ մեղքն այն է, որ թուրք ենք: Մենք ուզում ենք Թուրքիայի քաղաքացիություն ստանալ, ապրել և աշխատել այնտեղ»,- պատմել է Ալիհանը:
Վերջինս լրագրողների հետ հանդիպման ժամանակ հայերի մասին չարախոսելու առիթը բաց չի թողել` ասելով.
«Մի հայի քթից, որ արյուն է գալիս, ամբողջ աշխարհը
ոտքի է կանգնում: 1915թ. դեպքերը բնութագրում են որպես ցեղասպանություն: Նրանք
անարդարության պարագայում արդար են դուրս գալիս, իսկ մենք, որ արդար ենք, անարդար
դրության մեջ ենք ընկել»,- հայերի մասին չարախոսել է Փաշա Ալիհանը:
Հիշեցնենք, որ 1944-ին խորհրդային իշխանությունների որոշմամբ` Վրաստանի` Թուրքիային սահմանակից մի քանի շրջաններից մեսխեթցի թուրքերը արտաքսվել են Կենտրոնական Ասիա, քանի որ նրանք համարվում էին գերմանացի ֆաշիստներին համակրող և թուրքական հատուկ ծառայությունների հետ համագործակցող կասկածելի տարր: Մոտավոր տվյալներով` այժմ աշխարհում հաշվվում է շուրջ 300 հազար թուրք-մեսխեթցի:
Ermenihaber.am
Այս ենթաբաժնի վերջին նորությունները
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Տեսանյութը լայնորեն տարածվել է սոցցանցերում և լայն քննարկումների առիթ դարձել։
Բայազետ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Տեսանյութը լայնորեն տարածվել է սոցցանցերում և լայն քննարկումների առիթ դարձել։
Թուրքիայի նախագահը կմասնակցի «Իսլամական համագործակցության կազմակերպության» և Արաբական լիգայի արտահերթ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |