Աթաթուրքի և հայուհու սիրո պատմությո՞ւն

Հասարակական09:24, 03 Դեկտեմբեր 2012

Աթաթուրքի և հայուհու սիրո պատմությո՞ւն

Թուրքական «Հյուրիյեթ» թերթին տված հարցազրույցում «Հերոսի տխուր սերը» գրքի հեղինակ Նեհիր Ռոգենդոր‎ֆ Էյուբօղլուն անդրադարձել է Թուրքիայի Հանրապետության հիմնադիր Քեմալ Աթաթուրքի և հայուհու ենթադրյալ սիրո պատմությանը:

Էյուբօղլուն շինարար-ինժեների կրթությամբ նախկին գերմանաբնակ մի թուրք է, ով այժմ ապրում է Թուրքիայում, հեղինակ է չորս գրքի և չորս պիեսի: «Hurriyet»-ի թղթակցին նա ասել է, որ ինքն անձամբ է ճանաչել վեպի հերոսուհուն` հայուհի Հերմինեին, որն էլ հենց 17 տարի առաջ իրեն պատմել է այս պատմությունը, համաձայն որի, Հերմինեն պատմել է, 1929-ի մի երեկույթի ժամանակ Քեմալ Աթաթուրքի հետ ծանոթանալու մասին, որտեղ Աթաթուրքն առաջին հայացքից հրապուրվել է Հերմինեով և նրան հրավիրել իր նստավայր` Դոլմաբահչե: Ըստ հեղինակի` Հերմինեն նույնպես անտարբեր չի եղել, և նրանք սկսել են պարբերաբար հանդիպել: Բայց բանը չի հասել ամուսնության երկու պատճառով: Նախ` տարիքային մեծ տարբերությունն է եղել, և երկրորդ`Աթաթուրքն ասել է, որ ամուսնությունն իր համար չէ, քանի որ ինքն իրեն ամբողջությամբ նվիրել է թուրք ազգին:

Ըստ գրքի հեղինակի` Աթաթուրքը մի օր Հերմինեին ասել է. «Հայ լինես, հույն, թե` ռուս , ինձ համար տարբերություն չկա: Երբ քեզ տեսա, հենց առաջին հայացքից հասկացա, որ թուրք չես: Դու մի ծաղիկ ես, որը դեռ պետք է հասունանա:Ես քեզ շատ սիրեցի:»

Հեղինակը պատմում է, որ նրանց բաժանման պատճառը եղել է այն, որ հերթական անգամ, երբ Աթաթուրքը Հերմինեին հրավիրել է պալատ, վարչապետ Իսմեթ Ինոնյուն այս անգամ խոչընդոտել է աղջկա գալուն: Եվ դրանից հետո Հերմինեին այլևս երբեք հնրավորություն չի տրվել հանդիպել Աթաթուրքին:

Ու թեև հեղինակը պնդում է, որ գրքում ներկայացվածը համապատասխանում է իրականությանը, բայց հայտնի լրագրող Թահա Աքյոլը, Աթաթուրքի մասին մի շարք գրքեր գրած Օղուզ Աքայը և Սինան Մեյդանը նշել են, որ չեն տիրապետում այդպիսի տեղեկության, պատմության ճշմարտացիությունն ապացուցված չէ: Թեման հետազոտող գրող Նեջդեթ Սաքաօղլուն նշել է, որ այդպիսի լուրեր եղել են, բայց անստույգ տեղեկությունների տեսքով միայն: Թուրք պատմաբան Դերյա Թուլգան էլ դա ոչ մի կերպ ապացուցելի իրողություն չի համարում:

Ermenihaber.am

Այս ենթաբաժնի վերջին նորությունները

16:45, 29 ապր

Թուրքիայում երեխան 2-րդ հարկից ընկել է աղբարկղի մեջ (Տեսանյութ)

Մի քանի րոպե անց մայրը նկատել է կատարվածը և դուրս է բերել նրան աղբարկղից:

16:24, 25 ապր

Թուրքիան ներառվել է աշխարհի ամենածեր երկրների թվում

Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:

14:40, 22 ապր

2025թ. սկզբին Թուրքիա ամենամեծ թվով զբոսաշրջիկներ մեկնել են Իրանից ու Ռուսաստանից

Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։