Թուրքիայի էներգետիկայի նախարարը դժգոհել է հայկական ատոմակայանից

Տարածաշրջան07:17, 01 Նոյեմբեր 2012

Թուրքիայի էներգետիկայի նախարարը դժգոհել է հայկական ատոմակայանից

Թուրքիայի էներգիտակայի և բնական պաշարների նախարար Թաներ Յըլդըզը պատասխանել է լրագրողների հարցին: Հարցուպատասխանի ժամանակ նախարարը նշել է, որ հարկ եղած դեպքում Թուրքիան պատրաստ է իր հնարավորության չափով, էլեկտրաէներգիա մատակարարել Սիրիա:

Թաներ Յըլդըզն առիթը բաց չի թողել հերթական անգամ դժգոհելու Մեծամորի հայկական ատոմակայանից: Նա մտահոգություն է հայտնել, որ Իգդիրից 16կմ հեռավորության վրա գտնվող Հայաստանի ատոմակայանի շահագործման ժամկետը երկարաձգվել է ևս 10 տարով: Թուրք նախարարը լրագրողներին հայտնել է, որ իրենք միջազգային ասպարեզում բարձր մակարդակով նախաձեռնություններ են կյանքի կոչելու հայկական ատոմակայանը փակել տալու համար:

Հիշեցնենք, որ թուրքական կառավարությունը ծրագրել է կառուցել 3 ատոմակայան: Հայտնի է դարձել, որ առաջին ատոմակայանը կառուցելու են Մերսինում ռուսների հետ համատեղ, երկրորդը` Սինոպում ճապոնացիների հետ համատեղ, իսկ երրորդի կառուցման շուրջ դեռևս բանակցություններ են ընթանում Հարավային Կորեայի, Չինաստանի և Կանադայի հետ: Իսկ Մեծամորի ատոմակայանում պարբերակաբր կատարվում են անվտանգության ապահովման միջոցառումներ, որոնք իրականցվում են Միացյալ Նահանգների, Եվրամիության և Ատոմային էներգիայի միջազգային գործակալության տեխնիկական աջակցությամբ: Մասնագետների գնահատմամբ` հայկական ատոմակայանի սեյսմիկ անվտանգությունը բավականին բարձր է:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: