2 վատ լուր Թուրքիայի տուրիզմի համար

Տարածաշրջան13:48, 27 Հուլիս 2012

2 վատ լուր Թուրքիայի տուրիզմի համար

Թուրքական լրատվամիջոցներն անհանգստություն են հայտնում իրանցի զբոսաշրջիկների թվի անկման կապակցությամբ: Պաշտոնական տվյալներով` ընթացիկ տարվա 6 ամսիների ընթացքում Թուրքիա այցելող իրանցի զբոսաշրջիկների թիվը արդեն նվազել է 39 տոկոսով: Դա պայմանավորված է նրանով, որ Իրանի իշխանությունները երկրում ներքին զբոսաշրջությունը զարգացնելու նպատակով արգելել են արտագնա տուրիզմ գովազդող վահանակների տեղադրումը փողոցներում և շենքերի վրա:

«Թուրքական «Դողան» (Dogan) լրատվական գործակալությունը տեղեկացնում է, որ իրանական իշխանությունները նաև երկրորդ սահմանափակումն են մտցրել արտագնա տուրիզմի ծավալները կրճատելու համար, ինչից ուղղակիորեն տուժում է Թուրքիան: Նշվում է, որ Իրանի կառավարությունը դադարեցրել է այլ երկրներ զբոսաշրջության մեկնող իր քաղաքացիներին 40 տոկոսով էժան արտարժույթի տրամադրումը: Ենթադրվում է, որ Իրանի դեմ Արևմուտքի կողմից պատժամիջոցների կիրառումից հետո այդ կերպ Իրանը ցանկանում է հնարավորինս կանխել արտարժույթի դուրսբերումը երկրից:

Թուրքերի դիտարկմամբ` իրանական կառավարության վերոնշյալ երկու սահմանափակումները շեշտակի հարված են հասցնում Թուրքիայի զբոսաշրջությանը և կանխատեսվում է, որ Թուրքիա մեկնող իրանցի զբոսաշրջիկների թիվն առաջիկայում էլ ավելի կնվազի:

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: