Իգդիրում գործարկվելու է նոր օդանավակայան

Տարածաշրջան13:11, 12 Հուլիս 2012

Իգդիրում գործարկվելու է նոր օդանավակայան

Հուլիսի 13-ին տեղի է ունենալու ներկայումս Թուրքիայի կազմում գտնվող Իգդիր քաղաքի նորակառույց օդանավակայանի բացումը, որի հանդիսավոր միջոցառմանը մասնակցելու է վարչապետ Ռեջեփ Թայիփ Էրդողանը: Ըստ թուրքական «Իհլաս» (İhlas) լրատվական գործակալության` Հայաստանին, Իրանին ու Նախիջևանին սահմանակցող Իգդիրի օդանավակայանի կառուցման համար թուրքական կառավարությունը ծախսել է 21 մլն լիրա գումար (շուրջ 13 մլն դոլար):

Իգդիրի նահանգապետ Ամիր Չիչեքի տեղեկացմամբ` հիշյալ օդանավակայանը զբաղեցնում է 16 հա հողատարածք, թռիչքուղու երկարությունը կազմում է 3կմ: Առաջին շինարարական աշխատանքները սկսվել էին դեռ 16 տարի առաջ: Ակնկալվում է, որ Իգդիրի օդանավակայանի գործարկումը լուրջ նպաստ կունենա այդ երկրամասի զարգացման գործում, մասնավորապես զբոսաշրջության և կապիտալ ներդրումների հարցերում:

Հիշեցնենք, որ հնում Իգդիրն իր շրջակայքով Կողքի հետ կազմում էր Մեծ Հայքի Այրարատյան աշխարհի Ճակատք գավառը։ Նոր ժամանակներում նույն այդ գավառի տարածքից էր կազմված Երևանի նահանգի Սուրմալուի գավառը` Իգդիր վարչական կենտրոնով։ Իգդիրը թուրքերը զավթվել են 1920թ. հայ-թուրքական պատերազմի ժամանակ։Այնուհետև 1921 թ. Կարսի պայմանագրով Սուրմալուի գավառի հետ միասին, որը երբեք թուրքերին չէր պատկանել, Իգդիրն անցել է թուրքական տիրապետության տակ։

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: