Բաբաջանը` Ղարաբաղի ու արձանագրությունների մասին

Քաղաքական07:26, 28 Ապրիլ 2012

Բաբաջանը` Ղարաբաղի ու արձանագրությունների մասին

Թուրքիայի փոխվարչապետ Ալի Բաբաջանը Բոստոնում ԱՄՆ Թավթսի համալսարանի Ֆլետչերի իրավունքի և դիվանագիտության դպրոցում կազմակերպված կոնֆերանսի ժամանակ պատասխանել է ուսանողների հարցերին: Հայ-թուրքական հարաբերությունների և արձանագրությունների վերաբերյալ հարցին Բաբաջանը պատասխանել է հետևյալ կերպ.

«Մենք արագ գործեցինք և մեր ստորագրությունները դրեցինք արձանագրությունների տակ, բայց Հայաստան-Ադրբեջան ճակատում դեռևս արդյունք չկա: Մենք դեռ 2007 թվականին կարգավորման գործընթացը սկսելու ժամանակ էինք խոստացել կյանքի կոչել արձանագրությունները, եթե Հայաստանն ու Ադրբեջանը համաձայնության հասնեն»:

Հերթական անգամ հայ-թուրքական կարգավորումը շաղկապելով ղարաբաղյան հիմնախնդրի բանակցային գործընթացի հետ` Թուրքիայի փոխվարչապետը նշել է. «Մենք սպասում ենք մեր երկու հարևանների` Հայաստանի և Ադրբեջանի միջև փոխհամաձայնության հասնելուն, որից հետո պատրաստ ենք առաջ մղել հայ-թուրքական կարգավորման գործըթնացը»: