Թուրքերը հայկական եկեղեցին վերածել են աղբանոցի

Հասարակական08:53, 27 Ապրիլ 2012

Թուրքերը հայկական եկեղեցին վերածել են աղբանոցի

Թուրքիայի Բաթմանի նահանգի Բեշիրի շրջանի Յենիփընար գյուղում գտնվող 11-րդ դարի հայկական եկեղեցին վերածվել է աղբանոցի: Ականտեսների վկայությամբ` եկեղեցին պահող սյուները և զարդաքանդակ քարերը գյուղացիներն օգտագործում են իրենց տներում կամ ախոռներում աստիճաններ պատրաստելու համար:

Բաթմանի համալսարանի ռեկտոր և այդ նահանգում հնագիտական ուսումնասիրությունների հարցերով պատասխանատու Աբդուսելամ Ուլուչամը հնագույն հուշարձանների պահպանման կարևորության մասին մասնավորապես ասել է. «Մեր նահանգապետարանի աջակցությամբ գիտական հետազոտություն կարվի և Բաթմանի բոլոր հնագույն հուշարձանները կհայտնաբերվեն: Այստեղ դավանանքը կապ չունի , մենք մեր աչքի լույսի պես պետք է պահպահնենք մեզ ժառանգված հուշարձանները, որոնց վերականգնումը կնպաստի զբոսաշրջության զարգացմանը»:

Յենիփընար գյուղի բնակչներից մեկն էլ` Ալի Ուչարը, ասել է. «Այն, որ այս եկեղեցին նման վիճակում է, դա մեր բոլորի ամոթն է: Այս կարևորագույն հուշարձանները որպես անասունների կացարաններ օգտագործելը ցույց է տալիս պատմության հանդեպ ունեցած մեր վերաբերմունքը»: