Թուրքերը` Հունաստանի պատմության դասագրքերում

Տարածաշրջան08:26, 26 Ապրիլ 2012

Թուրքերը` Հունաստանի պատմության դասագրքերում

2007 թվականին Հունաստանի կրթության նախարարը փորձ էր արել թուրքերի և օսմանցիների մասին ավելի մեղմ ձևակերպումներ ներմուծել պատմության դասագրքեր, բայց խիստ քննադատության արժանացավ հանրության կողմից և վերջակետ դրեց իր քաղաքական կարիերայի վրա:

Թուրքերն անհանգստացած են այն բանից, որ հարևան Հունաստանի հանրակրթական դպրոցների պատմության դասագրքերում դարձյալ կատարվել են փոխություններ, որոնց արդյունքում թուրքերը թշնամու կերպարով են ներկայացվել:

«CnnTurk» լրատվական ծառայության տեղեկացմամբ` Հունաստանի կրթության նախարարությունը դարձյալ փոփոխություններ է մտցրել հանրակրթական դպրոցների պատմության դասագրքերում, որտեղ թուրքերը որպես թշնամիներ են ներկայացվում: Աղբյուրի համաձայն` առաջիկա ուսումնական տարվանից արդեն հույն աշակերտներին 6-րդ դասարանում կդասավանդվի թուրքերի հետ առնչվող հետևյալ պատմությունը.

«Թուրքերը մտան Իզմիր: Հայկական և հունական թաղամասերը կրակի տվեցին: Մետրոպոլիտ Հրիսոսթոմոսը մահմեդական խուժանին հանձնվեց ու սպանվեց: Նավահանգստում աննկարագրելի արհավիրք էր: Քրիստոնյաներին կոտորում էին ու կողոպտում: Ահ այդպիսի դրամատիկ ավարտ ունեցավ դարեր շարունակ տևած հունական ներկայությունն այդ տարածաշրջանում»:

Իսկ ահա պատմական նույն այդ անցքերը 2007-ի դասագրքերում այլ ձևակերպմամբ էին մատուցվում. «1922-ի օգոստոսի 27-ին թուրքական բանակը մտավ Իզմիր: Նավահանգստում խուճապ էր առաջացել, հազարավոր հույներ փորձում էին նստել նավերն ու գաղթել Հունաստան»:

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: