Միջազգային09:48, 22 Օգոստոս 2017
Թուրքիան և ՌԴ-ն աշխատանքներ են տանում վիզային ռեժիմի չեղարկման ուղղությամբ
Իզմիրի 84-րդ միջազգային տոնավաճառի բացմանը ելույթ ունեցած Թուրքիայի արտգործնախարար Մևլութ Չավուշօղլուն անդրադարձել է ռուս-թուրքական համագործակցությանը:
«Այն հանգամանքը, որ այս տարի Ռուսաստանի Դաշնության մասնակցում է այս միջազգային տոնավաճառին՝ որպես գործընկեր երկիր, իրականում ցույց է տալիս, թե որքան զարգացած են ռուս-թուրքական հարաբերությունները: Այս տոնավաճառին Ռւոսաստանի՝ որպես գործընկեր երկրի մասնակցության վերաբերյալ վերջնական որոշումը կայացվել էր դեռևս Սոչի կատարած մեր այցելության ժամանակ՝ նախագահ Էրդողանի ու Ռուսաստանի նախագահ Պուտինի կողմից»,- հայտարարել է Չավուշօղլուն:
Թուրք նախարարը նշել է, որ երկու երկրները ամեն ջանք գործադրում են՝ տնտեսական համագործակցությունից բացի նաև քաղաքական դաշտում երկկողմ հարաբերությունները կատարելագործելու համար:
«Մենք հզորացնում ենք տարածաշրջանային խնդիրների շուրջ համագործակցությունը: Այդ խնդիրներից մեկն էլ Սիրիան է: Սիրիական հարցում ռուս-թուրքական համագործակցության շնորհիվ այսօր թեկուզ դժվարությամբ, բայց քայլեր են կատարվել զինադադարի հաստատման ուղղությամբ»:
Չավուշօղլուն հավելել է, որ այս տարի Իզմիրի տոնավաճառի հիմնական թեման նորարարությունն ու էներգետիկան է, և ընդգծել, որ էներգիայի դաշտում Ռւոսաստանը Թուրքիայի կարևորագույն գործընկերն է:
Թուրքիայի արտգործնախարարը տեղեկացրել է նաև, որ տոնավաճառի շրջանակներում երկու երկրները կքննարկեն մի շարք այլ ոլորտներում համագործակցության հարցը: Չավուշօղլուի խոսքով՝ կողմերն այս պահին աշխատանքներ են տանում նաև երկկողմ վիզային ռեժիմի չեղարկման ուղղությամբ:
Այս ենթաբաժնի վերջին նորությունները
Թուրքիային «BRICS»-ում տրվել է «գործընկեր երկրի» կարգավիճակ։
Նախօրեին Ֆրանսիայի արտաքին գործերի նախարարությունը հայտարարություն էր արել Թուրքիայում ընթացող դատական պրոցեսների վերաբերյալ։
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |