Թուրքական TUSAŞ ընկերությունը լիովին տեղական ինքնաթիռի արտադրության նախագիծ է սկսել

Տնտեսական09:07, 11 Օգոստոս 2017

Թուրքական TUSAŞ ընկերությունը լիովին տեղական ինքնաթիռի արտադրության նախագիծ է սկսել

Թուրքիայի ավիացիայի և տիեզերագնացության արդյունաբերական ընկերության (TUSAŞ) գլխավոր տնօրեն Թեմել Կոտիլը հայտարարել է լիովին տեղական ինքնաթիռի արտադրության նախագծի մասին: Թուրքական «Haber7.com» լրատվակայքի համաձայն՝ «HÜRJET» անունը կրող ինքնաթիռը նախագծվել է ավելի վաղ TUSAŞ-ի կողմից արտադրված «HÜRKUŞ» ուղղաթիռի նմանությամբ:

Կոտիլը տեղեկացրել է, որ իրենք ինքնաթիռի արտադրության նոր նախագծի վրա համատեղ աշխատելու առաջարկով արդեն դիմել են «Boeing» ընկերությանը և սպասում են պատասխանին: TUSAŞ -ի գլխավոր տնօրենը նաև հավելել է, որ «HÜRKUŞ», «ANKA», «T-625» ուղղաթիռների և նմանատիպ յուրօրինակ նախագծերի օգնությամբ ընկերությունը նախատեսում է տարեկան 25 տոկոս աճ գրանցել:

«Սեփական միջոցներով սկսել ենք «HÜRJET»-ի նախնական աշխատանքները, որը «HÜRKUŞ»-ի ինքնաթիռային տարբերակն է: Սրանք լիովին թուրքական արտադրություն են: Հունիսին Թուրքիայի օդուժին 15 «HÜRKUŞ» ուղղաթիռ կհանձնենք: «HÜRJET»-ի աշխատանքներն էլ արդեն սկսել ենք: Թուրքիայի հակաօդային պաշտպանության հրամանատարությունը կամ ռազմարդյունաբերական քարտուղարությունը դեռևս այս իքննաթիռի համար պատվեր չեն տվել», - նշել է Կոտիլը:

Աղբյուր` Ermenihaber.am

Այս ենթաբաժնի վերջին նորությունները

16:42, 05 սեպ

Ադրբեջանն ու Թուրքիան ամրապնդում են էներգետիկ համագործակցությունը

Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան:

11:08, 01 սեպ

Թուրքիայի ու Չինաստանի նախագահները քննարկել են տնտեսական համագործակցությունը

Էրդողանը Շանհայի համագործակցության կազմակերպության գագաթնաժողովի շրջանակում հանդիպել է Սի Ծինփինի հետ։

13:33, 28 օգոս

Թուրքիան էլեկտրաէներգիայի արտադրության մեջ ռեկորդային ցուցանիշ է գրանցել

Մասնավորապես նշվում է, որ էլեկտրաէներգիայի օրական արտադրությունը հասել է 1 մլն 250․000 մեգավատտ-ժամի, իսկ ընդհանուր արտադրությունը ՝ 36.7 մլրդ կիլովատտ-ժամի։