Հասարակական10:25, 23 Հունիս 2017
Թուրքիայում ընթերցողների 60 տոկոսը չի վստահում զանգվածային լրատվամիջոցներին
Օքսֆորդի համալսարանի Ռոյթերս ինստիտուտը հրապարակել է էլեկտրոնային լրատվամիջոցների վերաբերյալ իր 6-րդ ամենամյա զեկույցը: Թուրքական ընդդիմադիր «Sözcü» թերթի կայքի տեղեկացմամբ՝ զեկույցում արձանագրվել է, որ Թուրքիայում լրահոսին հետևողներին 60 տոկոսը արդեն չի վստահում զանգվածային լրատվամիջոցներին: Այս տեսակետից Թուրքիան 36 երկրների ցանկում 23-րդ տեղն է գրավել:
Զեկույցում նշվել է, որ Թուրքիայի զանգվածային լրատվամիջոցների մեծ մասը գտնվում է իշխանության վերահսկողության տակ: Միևնույն ժամանակ, ընթերցողները ավելի հաճախ նախապատվություն են տալիս համացանցում և սոցցանցերում տարածվող լրատվությանը:
Այս տարի Թուրքիայում 9 տոկոսով նվազել է այն մարդկանց թիվը, ովքեր համարում են, թե լրատվական դաշտը զերծ է քաղաքականության ազդեցությունից: Նման կարծիք ունի ընթերցողների 20 տոկոսը: Իսկ ընթերցողների 23 տոկոսը կարծում է, թե թուրքական լրատվամիջոցները զերծ են բիզնեսի ազդեցությունից: Այս ցուցանիշը նախորդ տարվա համեմատ նվազել է 4 տոկոսով:
Ռոյթերս ինստիտուտի զեկույցի համաձայն՝ ողջ աշխարհում մարդկանց 54 տոկոսը լրատվություն ստանալու համար օգտագործում է սոցիալական ցանցերը: Կատարված ուսումնասիրությանը մասնակցած 36 երկրների ավելի քան 70.000 ընթերցողների 33 տոկոսը նշել է, որ չի վստահում լրատվամիջոցների տարածած տեղեկատվությանը:
Հարցվածների 24 տոկոսը նշել է, որ սոցիալական ցանցերը այն դաշտն են, որի շնորհիվ հնարավոր է ստացած լրատվության մեջ զանազանել իրականությունն ու մտացածին փաստերը:
Ըստ ուսումնասիրության արդյունքների՝ զանգվածային լրատվամիջոցներին ամենից շատ վստահում են ամերիկացիներն ու անգլիացիները, իսկ Հունաստանը միակ երկիրն է, որտեղ սոցիալական ցանցերի նկատմամբ վստահությունն ավելի մեծ է, քան զանգվածային լրատվամիջոցների:
Այս ենթաբաժնի վերջին նորությունները
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |