Իրավական11:26, 13 Հունիս 2017
ՄԻԵԴ-ն ընդունել է թուրքական ընդդիմադիր թերթի կալանավորված լրագրողների բողոքը
Մարդու իրավունքների եվրոպական դատարանն (ՄԻԵԴ) առաջնահերթության կարգով ընդունել է թուրքական ընդդիմադիր «Cumhuriyet» թերթի լրագրողների դիմումը:
Թուրքիայում հրատարակվող «Ակօս» շաբաթաթերթի տեղեկացմամբ՝ ՄԻԵԴ-ը փոփոխել էր դիմումների ընդունման կարգը: Քանի որ վերջին շրջանում ավելացել են մամուլի և խոսքի ազատության խախտումների վերաբերյալ բողոքները, ՄԻԵԴ-ը որոշել է առաջնահերթություն տալ խոսքի ազատության պատճառով բերման ենթարկված կամ կալանավորված լրագրողների դիմումներին:
Այս որոշման համաձայն՝ առաջին գործը, որը կքննվի ՄԻԵԴ-ում, թուրքական ընդիմադիր թերթի ղեկավար կազմի և լրագրողների դիմումն է ընդդեմ Թուրքիայի Հանրապետության:
Թերթի ներկայացուցիչների կողմից 2017 թվականի մարտի 2-ին ՄԻԵԴ ներկայացված դիմումի մեջ նշվում է, որ իրենց նկատմամբ ժամանակավոր կալանավորման որոշումը չի համապատասխանում գործող օրենսդրական ակտերին:
Հայցորդները կարծում են, որ ձերբակալության համար հիմք է եղել թերթի՝ կառավարությանը քննադատող գիծը: Ըստ լրագրողների՝ իրենց ձերբակալության հիմքում ընկած պատճառները հակասում են Մարդու իրավունքների եվրոպական կոնվենցիայի խոսքի ազատության հոդվածին:
ՄԻԵԴ-ը Թուրքիայի կառավարությանը դատարանում պաշտպանության համար ժամկետ է տվել մինչև 2017-ի հոկտեմբեր 2-ը:
Հիշեցնենք, որ 2016թ. հոկտեմբերի 31-ին Թուրքիայում դատարանի որոշմամբ կալանավորվել էին ընդդիմադիր «Cumhuriyet» թերթի խմբագրական և ղեկավար կազմի 9 անդամ՝ խմբագիր Մուրադ Սաբունջուն, խմբագրության խորհրդական Քադրի Գյուրսելը, «Ջումհուրիյեթ» հիմնադրամի գործադիր խորհրդի անդամներ Օնդեր Չելիքը, Բյուլենթ Ութքուն, Մուստաֆա Քեմալ Գյունգյոռը, Գյուրայ Օզը, Հաքան Քարան, Մուսա Քարթը։
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Բեզալել Սմոթրիչը դժգոհել է, որ Կահիրեում գերիների փոխանակման բանակցություններում ներկա են գտնվել նաև թուրք պաշտոնյաներ:
Բարզանին վերջին այցը Իրան եղել է 2021թ. օգոստոսին, որի ընթացքում նա մասնակցել էր Ռաիսիի երդմնակալության արարողությանը։
Թրամփի քաղաքականությունը Թուրքիայի նկատմամբ հիմնականում կապված էր Սիրիայի և իրաքյան հարցերի, Թուրքիայի կողմից ահաբեկչական համարվող «ԺՊԳ-ի» և Ֆեթուլլահ Գյուլենի արտահանձնման հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |