Թուրքիայում պատրաստվում են 130 մարդու զրկել քաղաքացիությունից

Իրավական08:46, 05 Հունիս 2017

Թուրքիայում պատրաստվում են 130 մարդու զրկել քաղաքացիությունից

Թուրքիայի կառավարության պաշտոնաթերթում հրապարակվել է 130 մարդու անուն, որոնք 3 ամսվա ընթացքում երկիր չվերադառնալու դեպքում զրկվելու են Թուրքիայի քաղաքացիությունից:

Ըստ թուրքական «Dunya.com» լրատվական կայքի՝ հրապարակված ցուցակում ներառված են ամերիկաբնակ միլիարդատեր, իսլամի քարոզիչ ու Էրդողանի քաղաքական ախոյան Ֆեթուլլահ Գյուլենի, քրդամետ «Ժողովուրդների դեմոկրատական կուսակցության» (ԺԴԿ-HDP) պատգամավորներ Ֆեյսալ Սարըյըլդըզի, Թուղբա Հեզերի, ինչպես ԺԴԿ-ական նախկին պատգամավոր Օզդալ Ուչերի անունները:

Ցուցակում նշված բոլոր անձանց նկատմամբ Թուրքիայի դատախազություններում հարուցված քրգործերի հիման վրա հետաքննություններ են իրականացվում:

Վերոնշյալ 130 մարդկանց շարքում կան այնպիսիք, որոնք հետախուզման մեջ են Թուրքիայում ահաբեկչական համարվող «FETO»-ի (Ֆեթոլահական ահաբեկչական կազմակերպություններ), PKK-ի (Քուրդիստանի բանվորական կուսակցության-ՔԲԿ) և ԻՊ-ի (Իսլամական պետություն ահաբեկչական կազմակերպություն) հետ կապեր ունենալու հիմնավորմամբ:

Աղբյուր` Ermenihaber.am

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։