Մշակութային07:25, 13 Մայիս 2017
Թուրքիայի հայկական «Քամփ Արմեն» մանկատունը կվերակառուցվի իր սկզբնական տեսքով
Ստամբուլի քաղաքային խորհուրդը միաձայն հաստատել է «Արմեն ճամբար» (Kamp Armen) անվամբ հայտնի հայկական որբանոցի վերակառուցման նոր նախագիծը: Թուրքական «Haberler.com» լրատվակայքի փոխացմամբ՝ նոր նախագծով նախատեսվում է պահպանել կառույցի նախնական տեսքը՝ դարձնելով այն սոցիալ-մշակութային հիմնարկ:
Քաղաքային խորհրդի անդամ, Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) ներկայացուցիչ Հյուսեյին Սաղը թեմայի վերաբերյալ հետևյալ մեկնաբանությունն է արել.
«Շենքը վերածվեց սոցիալ-մշակութային հաստատության: Այժմ մեր հայ քաղաքացիները, ոչ մուսուլմանները կամ մուսուլմանները միասին այն կշահագործեն: Հրանտ Դինքի պես մարդ է ապրել այս մանկատանը: Դրանից էլ այն այդչափ կարևոր է»:
Ինչպես հայտնի է՝ Ստամբուլի Թուզլա շրջանում գտնվող «Քամփ Արմեն» մանկատանն են մեծացել 2007թ. Թուրքիայում սպանված հայտնի պոլսահայ լրագրող և հասարակական գործիչ Հրանտ Դինքը և նրա կինը՝ Ռաքել Դինքը:
«Քամփ Արմենը» կառուցվել է 1961թ. Գեդիկփաշայի հայ բողոքական եկեղեցու կողմից գնված հողատարածքում՝ նաև բազմաթիվ որբ ու աղքատ հայ մանուկների մասնակցությամբ: Այնուհետև այստեղ ապաստանել են շուրջ 1500 հայ մանուկներ:
2015թ. մայիսի 6-ի առավոտյան սկսվել էր 8.552 քմ տարածք զբաղեցնող մանկատուն-ճամբարի շենքի ապամոնտաժումը: Հողատարածքի սեփականատիրոջ նախաձեռնությամբ շինության մի մասն արդեն իսկ քանդվել էր, երբ Թուրքիայի հայ համայնքը բողոքի լայնածավալ ակցիաներ սկսեց և ճամբարի ներսում հերթապահություն սահմանեց՝ ապամոնտաժումը խափանելու նպատակով:
175 օր տևած ցույցերից և հերթապահությունից հետո՝ 2015թ. հոկտեմբերի 27-ին, «Քամփ Արմենը» պաշտոնապես վերադարձվեց հայ համայնքին. ճամբարի սեփականության իրավունքը հանձնվեց Գեդիկփաշայի հայ բողոքական եկեղեցու հիմնադրամին:
Այս ենթաբաժնի վերջին նորությունները
Մզկիթում այրվող գիրքն ու գորգը նկատել է մի կին և սկսել բղավել։
Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա:
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
«Թուրքիայի վիճակագրական կոմիտեն» հրապարակել է «Կյանքից մարդկանց գոհունակության մասին հետազոտության» արդյունքները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |