Գերմանիան թուրք զինվորականների՝ ապաստան խնդրելու դիմումները բավարարել է

Միջազգային09:29, 09 Մայիս 2017

Գերմանիան թուրք զինվորականների՝ ապաստան խնդրելու դիմումները բավարարել է

Գերմանիան ուսումնասիրել է թուրք զինվորականների՝ ապաստան խնդրելու մասին դիմումները և որոշում է կայացրել դրանցից մի քանիսը բավարարել:

Միջանկյալ նշենք, որ վերոնշյալ զինվորականները թուրքական իշխանությունների կողմից մեղադրվում են ռազմական հեղաշրջման փորձի հետ կապ ունենալու մեջ:

Ըստ թուրքական « Gazetekarinca » թերթի կայքի՝ նշյալ տեղեկությունը հայտնել է գերմանական «Die Welt» պարբերական թուրքական ծառայությունը՝ հղում անելով Գերմանիայի ներքին գործերի նախարարության աղբյուրներին: Այն զինվորականները, որոնց դիմումները բավարարվել են, նախկինում ծառայություն էին անցկացնում Գերմանիայում՝ ՆԱՏՕ-ի առաքելության շրջանակնեում, սակայն հեղաշրջման փորձից հետո նրանք ազատվել էին աշխատանքից ու գտնվում են հետապնդման մեջ:

Աղբյուրը տեղեկացնում է, որ նրանք ունեն դիվանագիտական անձնագրեր:

Թե քանի զինվորականների դիմումներ են բավարարվել, աղբյուրը չի մանրամասնում, սակայն տեղեկացնում է, որ ռազմական հեղաշրջման օրից մինչ 2017թ. մայիսի սկիզբ 414 զինվորական, դիվանագետ և բարձրաստիճան պաշտոնյա իրենց ապաստան տրամադրելու դիմում են ներկայացրել: Նշվում է, որ այս ամենը թուրք-գերմանական հարաբերություններում կարող է առաջացնել նոր ճգնաժամ:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարտել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։