Տարածաշրջան08:57, 28 Ապրիլ 2017
Վաշինգտոնն անհանգստացած է Սիրիայում և Իրաքում Թուրքիայի գործողություններից
ԱՄՆ պետքարտուղարության խոսնակի պաշտոնակատար Մարկ Թոներ հայտարարել է, որ Թուրքիայի՝ Իրաքի Սինջար և Սիրիայի հյուսիսում Քարաչոք լեռան ուղղությամբ ավիահարվածները վտանգում են ամերիկացի զինվորների կյանքը:
Ինչպես տեղեկացնում է թուրքական «Doğan» լրատվական գործակալությունը, այս մասին Թոները հայտնել է Վաշինգտոնում կազմակերպված մամուլի ասուլիսի ժամանակ լրագրողների հարցերին պատասխանելիս:
Լրագրողը Թոներին խնդրել է մեկնաբանել Թուրքիայի ավիահարվածների հետևանքով ստեղծված իրավիճակը` միաժամանակ հիշեցնելով, որ ԱՄՆ-ն Թուրքիային զգուշացրել էր հարվածները դադարեցնելու մասին, ինչին հակառակ դրանք շարունակվում են, իսկ Սիրիայի քրդական կառույցի («Ժողովրդական ինքնապաշտպանական ջոկատներ»` YPG) ղեկավար Սալիհ Մյուսլիմը ԱՄՆ-ից պահանջում է խախտել լռությունը և միջամտել, հակառակ դեպքում քրդերը կդադարեցնեն իրենց մասնակցությունը Ռաքքայի օպերացիային: Թոները լրագրողի դիտարկմանը պատասխանելիս, նշել է, որ ԱՄՆ-ն խորապես անհանգստացած է Թուրքիայի կառավարության գործողություններով և իր մտահոգությունները ներկայացրել է ամենաբարձր մակարդակով:
Թոները նշել է, որ Թուրքիան ոչ միայն չի համակարգում իր գործողությունները կոալիցիոն ուժերի հետ, այլև վտանգում է տարածաշրջանում գտնվող ամերիկացի զինվորների կյանքը:
Թոները, տարածաշրջանի բոլոր ուժերին հորդորել է կենտրոնանալ «Իսլամական պետություն» ահաբեկչական կազմակերպության դեմ պայքարի վրա:
«Մենք հասկանում ենք YPG-ի հարցում Թուրքիայի մտահոգությունները, սակայն մենք YPG-ի վերաբերյալ այլ կարծիք ունենք: Թուրքիային շատ պարզորոշ հայտնել ենք, որ իրենց գործողությունները պետք է համակարգեն մեր և կոալիցիոն մյուս ուժերի հետ»:
Հիշեցնենք, որ օրեր առաջ Թուրքիայի ռազմաօդային ուժերն Իրաքի Սինջարի լեռների շրջանում եւ հյուսիսարեւելյան Սիրիայում ավիահարվածներ են հասցրել քրդերի դիրքերի ուղղությամբ:
Այս ենթաբաժնի վերջին նորությունները
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Գրքում ներկայացված է ՌԴ նախագահի մի շարք ելույթների ու հոդվածների թուրքերեն թարգմանությունը։
Թուրքական մամուլում տարածվող տեղեկությունների համաձայն՝ Հանիյեն շաբաթավերջին կայցելի Թուրքիա:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Թաթարստանում գործում են թուրքական բազմաթիվ գործարաններ։ Թուրք ներդրողները նախագծեր են իրականացնում նաև հյուրանոցային բիզնեսի և շինարարության ոլորտում։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |