Տարածաշրջան10:02, 18 Ապրիլ 2017
Ադրբեջանի թուրքերը դեմ են քվեարկել Թուրքիայի սահմանադրական փոփոխություններին
Ադրբեջանում բնակվող թուրքերի մեծամասնությունը դեմ է քվեարկել Թուրքիայի սահմանադրական փոփոխությունների փաթեթին: Այս մասին տեղեկացնում է թուրքական «Sözcü» թերթի կայքը:
Քվեարկությունն անցկացվել է Բաքվում Թուրքիայի դեսպանատանն, ինչպես նաև՝ Նախիջևանի ու Գանձակի (Գյանջա) գլխավոր հյուպատոսարաններում հիմնված ընտրատեղամասերում: Հանրաքվեին մասնակցած ադրբեջանաբնակ թուրքերի 61.69 (1649 մարդ) տոկոսը դեմ է քվեարկել սահմանադրական փոփոխություններին, 38.31 (1024 մարդ) տոկոսը՝ կողմ:
Ընդհանուր առմամբ, Ադրբեջանում հանրաքվեին մասնակցել է Թուրքիայի 2.673 քաղաքացի: Ընդ որում, դա կազմում է ընտրության իրավունք ունեցող ադրբեջանաբնակ թուրքերի թվի ընդամենը մեկ երրորդը: Պաշտոնական տվյալների համաձայն՝ Ադրբեջանում այս պահին բնակվում է ընտրության իրավունք ունեցող 6.279 Թուրքիայի քաղաքացի:
Թուրքական թերթը նկատել է տալիս, որ այս արդյունքները բավական անսպասելի են: «Չէ՞ որ 1995թ.-ից Ադրբեջանը կառավարվում է նախագահական համակարգով: Մյուս կողմից, 2016թ. սեպտեմբերի 26-ին անցկացված հանրաքվեի արդյունքում Ադրբեջանի սահմանադրությունում որոշ փոփոխություններ կատարվեցին, ինչի հետևանքով երկրի նախագահին չափազանց լայն լիազորություններ տրվեցին», - գրում է «Sözcü»-ն:
Թերթը հիշեցնում է նաև, որ Ադրբեջանում անցկացված հանրաքվեում սահմանադրական փոփոխությունների փաթեթը հաստատվեց ձայների ճնշող (86.6 տոկոս) մեծամասնությամբ: Այդ փոփոխությունների մեջ էր մտնում նաև «առաջին փոխնախագահ» և «փոխնախագահներ» պաշտոնների ներմուծումը, որոնց հետ կապված նշանակման և ազատման որոշումները կայացնում է երկրի նախագահը: Նախագահի բացակայության պայմաններում նրա բոլոր լիազորությունները անցնում են առաջին փոխնախագահին, ով օժտված է անձեռնամխելիությամբ:
«Այդ համատեքստում նախագահ Իլհամ Ալիևը, օգտվելով սահմանադրությամբ իրեն տրված իրավունքից, 2017թ. փետրվարին առաջին փոխնախագահ նշանակեց իր կնոջը՝ Մեհրիբան Ալիևային», -գրում է աղբյուրը:
Հիշեցնենք, որ Թուրքիայում ապրիլի 16-ին կայացած հանրաքվեին մասնակցած քաղաքացիների 51.41 տոկոսը կողմ է քվեարկել սահմանադրական փոփոխություններին, իսկ 48.59 տոկոսը՝ դեմ: Փոփոխությունների փաթեթով նախատեսվում է անցում կառավարման նախագահական համակարգի, իսկ երկրի նախագահին չափազանց լայն լիազորություններ են տրվում:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |