Ռուսաստանի փոխվարչապետի կոչը Թուրքիային

Տնտեսական07:11, 08 Ապրիլ 2017

Ռուսաստանի փոխվարչապետի կոչը Թուրքիային

Ռուսաստանի Դաշնության (ՌԴ) փոխվարչապետ Արկադի Դվորկովիչը հայտարարել է, որ Թուրքիայի հետ առևտրատնտեսական հարաբերություններում առկա փոխադարձ սահմանափակումները վնաս են հասցնում երկու երկրին էլ:

«Կորուստները կանխելու համար ամենաճիշտը կլինի այն, որ սահմանափակումները հանվեն երկկողմանիորեն»,- ըստ թուրքական «Sabah» թերթի կայքի՝ ասել է Դվորկովիչը: Այժմ անհրաժեշտ է, որ թե Թուրքիան և թե Ռուսաստանը երկկողմ առևտրատնտեսական հարաբերություններում գործնական քայլեր ձեռնարկեն:

Ռուսաստանի փոխվարչապետը տեղեկացրել է նաև, որ ռուսական հացահատիկի շուրջ ստեղծված խնդիրը թուրքական կողմի հետ քննարկվելու է ապրիլի 16 -ին Թուրքիայում կայանալիք սահմանադրական հանրաքվեից հետո:

Հիշեցնենք, որ Թուրքիայի կառավարության կողմից ռուսական ցորենը հանվել էր ներկրվող լիցենզավորված ապրանքների շարքից:

Թուրքական աղբյուրը հիշեցնում է, նաև որ Ռուսաստանը դեռևս չի հանել թուրքական մի շարք ապրանքանիշերի վրա սահմանված արգելքները: Մասնավորապես արգելք է սահմանված Թուրքիայից ՌԴ ներկրվող հավի, հնդկահավի, լոլիկի, վարունգի, խաղողի, խնձորի և տանձի ներմուծումների վրա:

Աղբյուր` Ermenihaber.am

Այս ենթաբաժնի վերջին նորությունները

11:08, 01 սեպ

Թուրքիայի ու Չինաստանի նախագահները քննարկել են տնտեսական համագործակցությունը

Էրդողանը Շանհայի համագործակցության կազմակերպության գագաթնաժողովի շրջանակում հանդիպել է Սի Ծինփինի հետ։

13:33, 28 օգոս

Թուրքիան էլեկտրաէներգիայի արտադրության մեջ ռեկորդային ցուցանիշ է գրանցել

Մասնավորապես նշվում է, որ էլեկտրաէներգիայի օրական արտադրությունը հասել է 1 մլն 250․000 մեգավատտ-ժամի, իսկ ընդհանուր արտադրությունը ՝ 36.7 մլրդ կիլովատտ-ժամի։

14:20, 27 օգոս

Կարս-Իգդիր-Արալըք-Դիլուջու երկաթգիծը կկառուցի թուրքական «Kalyon» հոլդինգը

Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։