Ավստրիան ևս արգելել է թուրք նախարարների քարոզչական ելույթներն իր տարածքում

Քաղաքական12:28, 14 Մարտ 2017

Ավստրիան ևս արգելել է թուրք նախարարների քարոզչական ելույթներն իր տարածքում

Եվս մեկ եվրոպական երկիր է արգելել թուրք բարձրաստիճան պաշտոնյաների կողմից իր տարածքում ապրող թուրքերի շրջանում սահմանադրական փոփոխություններին ընդառաջ քարոզչական գործունեության ծավալումը:

Ըստ թուրքական «Haberler.com» լրատվական կայքի` այս անգամ էլ նմանատիպ հայտարարություն է արել Ավստրիայի վարչապետ Քրիստիան Քերնը: Վերջինս հայտարարել է, որ եթե թուրք նախարարները ցանկանան քարոզարշավ անցկացնել իր երկրում, ապա ինքը դա արգելելու նպատակով ջանքեր կգործադրի:

Քերնը այս որոշումը հիմնավորել է նրանով, որ ցանկանում է կանխել հասարակական կարգի հնարավոր խախտումները, որոնք կարող են գրանցվել թուրք նախարարների քարոզչական այցերի ընթացքում:

Մինչև այժմ արդեն նման որոշումներ են ընդունել Գերմանիան, Հոլանդիան, Շվեյցարիան ու Դանիան:

Հիշեցնենք, որ ապրիլի 16-ին Թուրքիայում անցկացվելու է սահմանադրական փոփոխությունների հանրաքվե: Ներկա դրությամբ Թուրքիայի սահմաններից դուրս հանրաքվեին մասնակցելու իրավունք ունեցող շուրջ 2.9 մլն քաղաքացի է բնակվում:

Աղբյուր` Ermenihaber.am

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: