Տարածաշրջան09:57, 22 Փետրվար 2017
Չավուշօղլուն կրկնել է Խոջալուի դեպքերի մասին ադրբեջանական անհիմն թեզերը
Թուրքիայի արտգործնախարար Մևլութ Չավուշօղլուն, Ադրբեջանցի պաշտոնակից Էլմար Մամեդյարովի հետ մասնակցել է «Թյուրքախոս երկրների խորհրդի» և Ահմեթ Յեսեվի համալսարանի կողմից Անկարայում կազմակերպված Խոջալուի դեպքերի 25-րդ տարելիցին նվիրված գիտաժողովին:
Ըստ թուրքական «Haberler.com» լրատվական կայքի` Չավուշօղլուն ելույթի ժամանակ կրկին հանդես է եկել Հայաստանի դեմ մեղադրանքներով` պաշտպանելով Խոջալուի դեպքերի վերաբերյալ ադրբեջանական անհիմն թեզերը: Չավուշօղլուն հայտարարել է, որ իրենք ամեն ինչ անում են եղբայրական պետության հետ միասին բոլոր հնարավոր միջոցներով Խոջալուում կատարվածի մասին աշխարհին իրազեկելու համար:
Չավուշօղլուն անդրադարձել է նաև Հայոց ցեղասպանության թեմային` կրկնելով Թուրքիայի իբր կառուցողական դիրքորոշման մասին իրենց պաշտոնական թեզերը:
«Հայաստանը միշտ մերժում է մեր առաջարկները: Ասացինք` համատեղ հանձնաժողով ստեղծենք, արխիվները բացենք, գիտնականները թող գան մասնակցեն, այլ երկրներից էլ թող գան մասնակցեն, բայց Հայաստանը չի ցանկանում առերեսվել իրականության հետ»,- նշել է Թուրքիայի գլխավոր դիվանագետը:
Վերջինս հիշատակել է նաև ցեղասպանության ժխտումը քրեականացնելու մասին օրենքի վերաբերյալ Ֆրանսիայի գերագույն դատարանի որոշումը, նախորդ տարի Եվրադատարանում «Դողու Փերինչեքն ընդդեմ Շվեյցարիայի» գործով դատավճիռն ու դրանք ներկայացրել որպես ապտակ հայերին:
Հիշեցնենք, որ ըստ Human Rights Watch միջազգային իրավապաշտպան կազմակերպության տվյալների՝ 1992 թվականի փետրվարի 26-ին Արցախյան պատերազմի ընթացքում Աղդամ քաղաքի մատույցներում չբացահայտված պայմաններում մահացել է 200-300 հոգի: Խոջալուն հանդիսանում էր այն 5 կրակակետերից մեկը, որտեղից ինտենսիվ կրակ էր բացվում շրջափակված Ստեփանակերտի ուղղությամբ: Խոջալուի բնակչությունն ամիսներ շարունակ բռնի կերպով պահվում էր բնակավայրում և մտածված չէր տարհանվում Ադրբեջանի իշխանությունների կողմից` հետագայում նրանց որպես «կենդանի վահան» օգտագործելու նպատակով:
Խոջալուի բնակիչները, որոնք լքել էին բնակավայրը ԼՂՀ Ինքնապաշտպանական ուժերի տրամադրած մարդասիրական միջանցքով, անարգել անցել են ավելի քան 10 կմ` հասնելով ադրբեջանական ուժերի կողմից վերահսկվող Աղդամ քաղաք:Ավելի ուշ ադրբեջանական զորքերի տեղակայման վայրից ոչ հեռու հայտնաբերվել են բնակավայրի մահացած բնակիչների դիերը: Զոհերի ստույգ թիվը դեռևս անհայտ է, քանի որ պաշտոնական Բաքուն հրապարակում է միմյանց հակասող թվեր: Ադրբեջանի խորհրդարանի` այս բնակիչների ողբերգական մահվան հետաքննությամբ զբաղվող հանձնաժողովը ցրվել է Հեյդար Ալիևի հրամանով, իսկ հետաքննական նյութերը գաղտնիացված են:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Բեզալել Սմոթրիչը դժգոհել է, որ Կահիրեում գերիների փոխանակման բանակցություններում ներկա են գտնվել նաև թուրք պաշտոնյաներ:
Բարզանին վերջին այցը Իրան եղել է 2021թ. օգոստոսին, որի ընթացքում նա մասնակցել էր Ռաիսիի երդմնակալության արարողությանը։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |