Քաղաքական09:52, 13 Փետրվար 2017
Թուրքիայում աշխատանքից հեռացվել է հանրաքվեի մասին սեփական կարծիքն արտահայտած լրագրողը
Թուրքիայում սահմանադրական կարգի փոփոխման վերաբերյալ առաջիկա հանրաքվեի մասին բացասաբար արտահայտված հեռուստալրագրողը հեռացվել է աշխատանքից: Թուրքական «Sözcü» թերթի կայքի տեղեկացմամբ՝ «Kanal D» հեռուստաալիքի գլխավոր լրատվականի հաղորդավար Իրֆան Դեյիրմենջին «Twitter» -ի իր միկրոբլոգում գրել է, թե պատրաստվում է «ոչ» ասել սահմանադրական փոփոխություններին:
«Doğan Medya Grubu» («Դողան» մեդիա խումբ) ընկերությունը, որին պատկանում է «Kanal D» հեռուստաալիքը, թեմայի վերաբերյալ անմիջապես գրավոր հայտարարություն է տարածել: Հայտարարությամբ տեղեկացվել է, որ հանրաքվեի վերաբերյալ սեփական մոտեցումը հրապարակելով Դեյիրմենջին խախտել է ընկերության համար առաջնային համարվող անկողմնակալության սկզբունքը, ինչի համար էլ հեռացվել է աշխատանքից:
Միջադեպը հանրության շրջանում բուռն դժգոհության առիթ է հանդիսացել: Մասնավորապես սոցցանցերում իրենց բողոքն արտահայտող օգտատերերը նկատել են տվել, որ եթե Դեյիրմենջին «այո» ասած լիներ, նրան դժվար թե հեռացնեին աշխատանքից:
Հավելենք, որ Իրֆան Դեյիրմենջիից հետո աշխատանքից ինքնակամ հեռանալու դիմում է ներկայացրել նաև «Kanal D»-ի գլխավոր լրատվական հաղորդման տնօրեն Էրթուղրուլ Ալբայրաքը՝ ի աջակցություն իր գործընկերոջ:
Ստորև ներկայացնում ենք Իրֆան Դեյիրմենջիի գրառման թարգմանությունը կրճատումներով.
«-Գիտնականին, արվեստագետին, գրողին, ուսանողին, բանվորին, գյուղացուն, հանքափորին, լրագրողին ու չհնազանդվող յուրաքանչյուր անձի թշնամի հռչակողին #ոչ:
-#Ոչ բանականությունը նվաստացնող գավառական քաղաքականությանը, որ ամեն անգամ նույն ստերը կրկնելով դեռ հավատում է, թե սուտը մեծացնելով այն կարող է ավելի համոզիչ դարձնել:
- #Ոչ միաժամանակ և դատավորի, և դարպասապահի և հարձակվողի դերում հանդես եկողին, ով գնդակին տիրանալով հայտարարում է. «գնդակն իմն է, չեմ խաղում» և հանդիպումը դեռ չավարտված փոխում խաղի կանոնները:
-#Ոչ մահվան սպառնալիքով մալարիային համաձայնելու պարտադրանքին, մեր աշխատանքին, օրվա հացին, ազատությանն ու կյանքին ուղղված սպռնալիքներին:
#Ոչ բոլորի ապագան մեկ անձի ապագայի հետ հավասարեցնելուն, մեկ անձի բարեկեցությունը բոլորի մտահոգության առարկան դարձնելուն:
-#Ոչ բռնությանը, ճնշումներին, հետապնդումներին, մեղավոր ուժեղներին, օտարացնողներին, միատարրությանը, անտեսվելուն, ոչնչացնելու ջանքերին #ՈչՄենքԿանք…»:
Այս ենթաբաժնի վերջին նորությունները
Օրակարգում են եղել Թուրքիա-Ուկրաինա երկկողմ հարաբերություններին, ինչպես նաև ռուս-ուկրաինական խաղաղության գործընթացին, տարածաշրջանային և համաշխարհային զարգացումներին վերաբերող հարցեր։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |