Հասարակական13:24, 06 Փետրվար 2017
Աբդուլ Համիդի թոռը մտափոխվել է. նա հետ չի պահանջի հայ ճարտարապետին պատկանած կղզին
Օսմանյան սուլթան Աբդուլ Համիդ 2-րդի թոռնուհին՝ Նիլհան Օսմանօղլուն, գրավոր հայտարարությումբ հերքել է Գալաթասարայ կղզին որպես Աբդուլհամիդի ժառանգ հետ պահանջելու մասին լուրերը:
Օսմանօղլուն, Գալաթասարայ կղզու նկատմամբ հավակնությունների մասին մամուլում հայնտված լուրերին անդրադառնալով, նշել է, որ դիտավորյալ են այժմ առաջ բերվում 3.5 տարի առաջ իր մասնակցությամբ մի հաղորդման ժամանակ կղզին պահանջելու մասին պնդումները: Նրա կարծիքով՝ ժամանակին, երբ թերթերը հրապարակում էին Աբդուլ Համիդի ունեցվածքի ցանկը, որևէ մեկը չէր արձագանքում, իսկ հիմա բոլորը մեկ են եղել, իր դեմ թակարդ են լարել և քարոզարշավ են իրականացնում:
Նիլհան Օսմանօղլուն հերքել է, որ պահանջելու է վերականգնել իր իրավունքները կղզու նկատմամբ՝ նշելով. «Ինձ ճանաչողները գիտեն, որ երբեք ունեցվածքի, սուլթանության սիրահար չեմ եղել: Եթե արձագանքները ընտանեկան ժառանգությանն են վերաբերում, ապա հասարակությանը տեղեկացնում եմ, որ Աբդուլ Համիդ սուլթանից մնացած ոչ մի ունեցվածքի համար դատարանից սեփականության իրավունք չեմ պահանջելու, ժառանգորդ չեմ լինելու»:
Ուշագրավ է, որ մամուլում Օսմանօղլուի պահանջատիրության մասին հրապարակումներից հետո, նրան պատասխանել էր Գալաթասարայ ֆուտբոլային ակումբի տնօրինությունը:
Ակումբի հայտարարության մեջ ասվում էր, որ կղզին արդեն 60 տարի է ֆուտբոլային ակումբի սեփականությունն է: Հայտարարության մեջ նաև պատմական ակնարկ էր արվում, որից պարզ է դառնում, որ կղզին իրականում պատկանել է Օսմանյան կայսրության հայտնի հայ ճարտարապետների տոհմին՝ Պալյաններին:
Ըստ այդմ՝ կղզին պալատական ճարտարապետ Սարգիս Պալյանին 1872 թվականին նվիրել է Աբդուլազիզ սուլթանը: 1874 թվականին այնտեղ է հյուրընկալվել հայ ծովանկարիչ Հովհաննես Այվազովսկին:
Այս ենթաբաժնի վերջին նորությունները
Լարա լողափում մեկնարկել է «Անթալյայի ավազե արձանների 18-րդ փառատոնը»: Այս տարի այն այցելուներին իր դռներն է բացել «Տիեզերական արկած» խորագրով:
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Էրդողանը պարտվել է Սերբիայում, որտեղ հաղթել է ՌԴ նախագահ Վլադիմիր Պուտինը՝ հավաքելով՝ 80% ձայն։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մայիսի 15-ի գիշերը Թուրքիայի նախագահը շտապ նախագահական նստավայր է կանչել MİT ղեկավար Իբրահիմ Քալընին և Արդարադատության նախարար Յըլմազ Թունչին:
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Միթաթ Չելիքփալան կարծիք է հայտնել թուրքական ընդդիմադիր «Cumhuriyet» թերթին:
Էրդողանը պարտվել է Սերբիայում, որտեղ հաղթել է ՌԴ նախագահ Վլադիմիր Պուտինը՝ հավաքելով՝ 80% ձայն։
Ալի Յերլիքայան սոցցանցում կատարած գրառմամբ անդրադարձել է վերջին օրերին Թուրքիայում հասունացող տրամադրություններին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |