Միջազգային08:50, 01 Փետրվար 2017
Թուրքիայի և Գերմանիայի միջև Ինջիրլիքի հետ կապված նոր լարվածություն է հասունանում
Գերմանիայի Կանցլեր ԱՆգելա Մերկելի Թուրքիա կատարելիք այցի նախօրեին կողմերի միջև Ինջիրլիք ռազմաբազայի հետ կապված նոր լարվածություն է առաջացել:
Թուրքական «Hürriyet» թերթի կայքի տեղեկացմամբ՝ Թուրքիան պահանջել է իր համար ամբողջությամբ հասանելի դարձնել Ինջիրլիքում տեղակայված «Տորնադո» տիպի հետախուզական ինքաթիռների կատարած լուսանկարները: Սիրայի տարածքում կատարված այդ լուսանկարները թուրքական կողմը պատրաստվում է օգտագործել «Իսլամական պետություն» (ԻՊ-IŞİD) ահաբեկչական խմբավորման դեմ պայքարի շրջանակներում:
Թուրք գեներալներից մեկը Անկարայում Գերմանայի դեսպանատանը հայտնել է, որ հետախուզական ինքնաթիռների ձեռք բերած տեղեկությունների հասանելիության դիմաց թուրքական կողմը Ինջիրլիքի գերմանական զորակազմի նախապես ծրագրված վերակառուցման աշխատանքների թույլտվություն կտա: Սակայն Գերմանիայի պաշտպանության նախարարությունը մերժել է Թուրքիայի այս առաջարկը: Նախարարությունը նշել է, որ հետախուզական ինքնաթիռների ձեռք բերած տեղեկությունները կարող են տրամադրվել միայն ԻՊ-ի դեմ պայքարող կոալիցիային:
Գերմանիայի պաշտպանության նախարարությունը նաև հայտարարել է, որ իրենք վաղուց են սպասում Ինջիրլիքում վերակառուցման աշխատանքներ սկսելու թույլտվությանը, բայց Թուրքիան անհայտ պատճառներով չի հաստատում ծրագիրը:
Գերմանական հետախուզական ինքնաթիռների կողմից Սիրիայում կատարված ԻՊ-ի դիրքերի լուսանկարները ներկայումս Թուրքիայի համար միայն մասամբ են հասանելի: Թուրքական կողմի պնդմամբ՝ Գերմանիան այս կերպ փորձում է խոչընդոտել Սիրիայի «Ժողովրդական միություն կուսակցության» (ԺՄԿ-PYD) դեմ այդ տվյալների օգտագործմանը:
Նշենք, որ ԺՄԿ-ն հայտնի է որպես Թուրքիայում ահաբեկչական խմբավորում համարվող «Քուրդիստանի բանվորական կուսակցության» (ՔԲԿ-PKK) ենթակառույց:
Այս ենթաբաժնի վերջին նորությունները
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրենքի նախագիծը 28 պատգամավորի ստորագրությամբ արդեն ներկայացվել է Թուրքիայի ազգային մեծ ժողով։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |