Թուրքիայի արտգործնախարար. «Սիրիայում 3 նպատակ ենք հետապնդում»

Տարածաշրջան13:40, 23 Դեկտեմբեր 2016

Թուրքիայի արտգործնախարար. «Սիրիայում 3 նպատակ ենք հետապնդում»

Թուրքիայի արտաքին գործերի նախարար Մևլութ Չավուշօղլուն Սաուդյան Արաբիայի Ջիդդե քաղաքում տեղի ունեցող «Իսլամական համագործակցություն կազմակերպության» անդամ երկրների ԱԳՆ ղեկավարների արտահերթ նիստում անդրադարձել է սիրիական ճգնաժամին: Ըստ թուրքական «Kanalb» լրատվական կայքի` Թուրքիայի արտգործնախարարը իր խոսքում նշել է, որ ստեղծված պայմաններում Թուրքիան Սիրիայում 3 նպատակ է հետապնդում.

«Նախ պետք է Սիրիայում հրադադար հաստատվի, ապա պետք է փրկել այն մարդկանց, ովքեր Սիրիայում այժմ ծանր կացության մեջ են հայտնվել: Եվ վերջին 3-րդ նպատակը այն է, որ հումանիտար օգնություն տրամադրվի խաղաղ բնակչությանը»,-ասել է նա:

Նրա խոսքով՝ այս նպատակները իրականացնելուց հետո միայն պետք է անցնել ճգնաժամին քաղաքական լուծում տալուն:

Անդրադառնալով Սիրիայի նախագահ Բաշար Ասադի՝ երկրի իշխանության ղեկին մնալ-չմնալու հարցին, Չավուշօղլուն, մասնավորապես, հիշատակելով Ժնևում տեղի ունեցած բանակցությունները, նշել է, որ դրանց ընթացքում Սիրիայի իշխանությունների դիրքորոշումը պարզ էր և այն իրենցից ենթադրում էր պահպանել Ասադի իշխանությունը: Սակայն ըստ Թուրքիայի ԱԳՆ-ի ղեկավարի` կարևոր է նաև սիրիական ընդդիմության կարծիքը, որը համակարծիք է Թուրքիայի այն դիրքորոշման հետ, որ Սիրիայի ներկայիս նախագահը պետք է հեռանա իշխանությունից:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: