Թուրքիայում ավելի քան 500 զինվորական է ձերբակալվել

Իրավական08:56, 17 Դեկտեմբեր 2016

Թուրքիայում ավելի քան 500 զինվորական է ձերբակալվել

Ստամբուլի ոստիկանության կազմակերպված հանցավորության դեմ պայքարի վարչության համակարգմամբ երկրի 57 նահանգում իրականացված միաժամանակյա գործողության ընթացքում ձերբակալվել է ավելի քան 500 զինվորական:

Ըստ թուրքական «Sondakika.com» լրատվական կայքի` զինվորականնները ձերբակալվել են գյուլենականների կողմից օգտագործված «Bylock» գաղտնի գրագրության համակարգից օգտվելու համար:

Նշվում է, որ ձերբակալվածների մեջ կան մեծ թվով բարձրաստիճան զինվորականներ, այդ թվում` գնդապետներ: 2.000 ոստիկանի մասնակցությամբ կատարված գործողություններն ընդգրկել են նաև Ստամբուլի ռազմական ակադեմիան, որի հրամանատարության զգալի մասը ևս ձերբակալվել է:

Հիշեցնենք, որ գյուլենականների ձերբակալությունները ավելի մեծ թափ ստացան երկրում հուլիսի 15-ին տեղի ունեցած հեղաշրջման փորձից հետո, երբ Թուրքիայի իշխանությունները այն նախաձեռնելու մեջ մեղադրեցին գյուլենական շարժման առաջնորդ ԱՄՆ-ում բնակվող իսլամակն գործիչ Ֆեթուլլահ Գյուլենին:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։