Քաղաքական07:48, 07 Նոյեմբեր 2016
Ազատազրկված Դեմիրթաշի կուսակցությունը դադարեցրել է մեջլիսում իր գործունեությունը
Թուրքիայի ընդդիմադիր քրդամետ «Ժողովուրդների դեմոկրատական կուսակցությունը» (ԺԴԿ-HDP) հայտարարել է, որ դադարեցնում է մեջլիսում իր գործունեությունը: Այս մասին տեղեկացնում է թուրքական «Yeni Şafak» թերթի կայքը:
ԺԴԿ-ի խոսնակ Այհան Բիլգենը տեղեկացրել է, որ կուսակցությունն այլևս չի մասնակցի Թուրքիայի ազգային մեծ ժողովի (ԹԱՄԺ-TBMM) ընդհանուր նիստերին և հանձնաժողովների աշխատանքներին: ԺԴԿ-ի պաշտոնական հայտարարությունում մասնավորապես ասված է, որ կուսակցության խորհրդարանական խումբը որոշել է դադարեցնել օրենսդիր մարմնի աշխատանքներին իր մասնակցությունը՝ ի պատասխան կատարվող բռնությունների:
Նշենք նաև, որ Թուրքիայի վարչապետ Բինալի Յըլդըրըմն այս որոշման պատճառով քննադատել է ԺԴԿ-ին: Նա կոչ է արել քրդամետ կուսակցության պատգամավորներին՝ հետ կանգնել այդ որոշումից քանի դեռ ուշ է: «Խորհրդարան չգալով՝ դուք վիրավորում եք ձեզ ընտրած ժողովրդին: Եկեք խորհրդարան, ինչ ասելու եք, այնտեղ ասեք», - ասել է Յըլդըրըմը:
Հիշեցնենք, որ ԺԴԿ-ի այս որոշումը կապված է կուսակցության համանախագահներ Սելահհեթթին Դեմիրթաշի և Ֆիգեն Յուքսեքդաղի, ինչպես նաև կուսակցության անդամ ևս 9 պատգամավորների ձերբակալության փաստի հետ: Ձերբակալվածներից 9-ի, այդ թվում՝ 2 համանախագահների վերաբերյալ ազատազրկման որոշում է կայացվել: ԺԴԿ-ական գործիչները մեղադրվում են ահաբեկչական խմբավորումների հետ համագործակցության մեջ: Դեմիրթաշը արդեն տեղափոխվել է Էդիրնեի, իսկ Յուքսեքդաղը՝ Քոջաելիի բանտ:
Այս ենթաբաժնի վերջին նորությունները
Իրանի արտգործնախարարը հանդիպել է Թուրքիա-Իրան միջխորհրդարանական բարեկամության խմբի նախագահ Քայհան Թյուրքմենօղլուի գլխավորած պատվիրակության հետ։
Նա հանդիպել է մի շարք թուրք բարձրաստիճան պաշտոնյաների, այդ թվում Էրդողանի հետ։
Թուրքիան ապրիլին հայտարարել էր Իսրայել ապրանքների արտահանումը դադարեցման մասին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ամերիկյան «FEDEX» ընկերությանը պատկանող բեռնատար ինքնաթիռն անսարքության պատճառով կոշտ վայրէջք է կատարել:
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նրանց դեմ դատական գործ էր հարուցվել Թուրքիայի տարածքում անկախ կառավարություն ստեղծելու մասին հայտարարություններ անելու համար։
Հանդիպման ընթացքում կողմերը քննարկել են երկկողմ հարաբերություններին և համագործակցությանը վերաբերող հարցեր:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |