Տարածաշրջան09:20, 03 Նոյեմբեր 2016
Թուրքիան պատրաստ է փոխհատուցում վճարել խոցված ռուսական ինքնաթիռի ընտանիքին
Թուրքիայի արտաքին գործերի նախարար Մևլութ Չավուշօղլուն ռուսական «Россия 24» հեռուստաալիքին տված հարցազրույցում խոսել է ռուս-թուրքական հարաբերությունների, սիրիական ճգնաժամի, «Իսլամական պետություն» (ԻՊ) և «Ալ Նուսրա» ահաբեկչական կազմակերպությունների, ինչպես նաև տարածաշրջանային մի շարք այլ խնդիրների մասին:
Ըստ թուրքական «Ahaber» թերթի կայքի` Թուրքիայի ԱԳՆ-ի ղեկավարը, խոսելով նախորդ տարի Սիրիայի տարածքում թուրքական օդուժի կողմից «СУ-24» ռուսական ռազմական ինքնաթիռի խոցման միջադեպի մասին, նշել է , որ իրենք պատրաստ են օդաչուի ընտանիքին փոխհատուցում վճարել:
«Մենք ցանկանում ենք օդաչուի ընտանիքին նյութական աջակցություն տրամադրել: Ես Ռուսաստանի ԱԳՆ-ի ղեկավար Սերգեյ Լավրովին փոխանցեցի, որ անձամբ պատրաստ եմ այցելել օդաչուի կնոջը` ներողությունը խնդրելու և իմ ցավակցությունը հայտնելու համար»,-ասել է Չավուշօղլուն
Անդրադառնալով սիրիական ճգնաժամին՝ Չավուշօղլուն ասել է, որ այդ հարցում Ռուսաստանի և Թուրքիայի դիրքորոշումները տարբեր են: Տարակարծությունը, մասնավորապես, դրսևորվում է, Սիրիայի նախագահ Բաշար Ասադի իշխանության ապագայի հարցում, ինչպես նաև սիրիական ընդդիմադիր ուժերի և ահաբեկիչների տարանջատման հարցում:
Նախարարի խոսքով՝ վերոնշյալ հարցերի շուրջ , ինչպես նաև Սիրիայում կրակի դադարեցման վերաբերյալ երկու երկրները ջանքեր են գործադրում, թե միջազգային հարթակներում, թե երկկողմ բարձր մակարդակի հանդիպումների ժամանակ:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |