Տարածաշրջան09:31, 02 Նոյեմբեր 2016
Իրաքի վարչապետ. «Թուրքիայի հետ պատերազմ չենք ուզում, բայց պատրաստ ենք»
Իրաքի վարչապետ Հայդար Ալ Աբադին երեկ հրավիրած մամուլի ասուլիսի ժամանակ անդրադարձել է Անկարայի կողմից թուրք-իրաքյան սահմանի մոտ զորքերի ու զրահատեխնիկայի կուտակմանը: Աբադին հայտարարել է, որ Անկարայի նման պահվածքի շարունակության դեպքում Թուրքիան թշնամական կորակեն և համապատասխան վերաբերմունք կցուցաբերեն:
«Թուրքիայի հետ պատերազմ, բախում չենք ուզում: Սակայն եթե նման բան լինի, մենք պատրաստ ենք»,- հայտարարել է Իրաքի վարչապետը: Աբադին ավելացրել է նաև, որ Իրաքի օկուպացումը Թուրքիայի մասնատման պատճառ կդառնա:
Թուրքիայի կողմից Իրաքի սահմանին զրահատեխնիկա կենտրոնացնելուց հետո հայտարարություն է արել նաև Իրաքում «Իսլամական պետություն» ահաբեկչական կազմակերպության դեմ պայքարող շիայական «Հաշդի շաբի» զինված խմբավորումը, որը հայտնի է Անկարայի հանդեպ ոչ բարեկամական տրամադրություններով:
«Թուրքիայի կողմից եզդիական Սինջար բնակավայրի օկուպացիայի ցանկացած դրսևորում հանդիպելու է իրաքյան «Հաշադի շաբիի» ամբողջական ուժին: Մենք պաշտպանելու ենք մեր հողերը Թուրքիայից»,- ասված է հայտարարության մեջ:
Երեկ թորւքական մամուլում լուրեր տարածվեց այն մասին, որ Անկարայից ու Չանքըրըյից ծանր ռազմական տեխնիկա, այդ թվում տանկեր, անվավոր զրահատեխնիկա և այլ հատուկ տեխնիկաներ են ուղարկվել թուրք-իրաքյան սահմանի` Քիլիս նահանգի Սիլոփի շրջանին հարող հատված:
Այս առիթով մեկնաբանություններ էր տվել Թուրքիայի պաշտպանության նախարար Ֆիքրի Ըշըքը` ասելով, որ իրենք պատրաստվում են ցանկացած սցենարի: Վերջինս ավելացրել էր, որ անհրաժեշտության դեպքում լրացուցիչ զորք կարող է ուղարկվել Իրաքի Բաշիքա շրջանում գտնվող թուրքական զորակայան:
Հիշեցնենք, որ 2 երկրների միջև լարվածությունը սկսվել էր այն բանից հետո, երբ 2015թ. դեկտեմբերի 10-ին թուրքական զորաջոկատներն առանց Իրաքի կենտրոնական իշխանությունների թույլտվության ներխուժել էին իրաքյան Քուրդիստանի Մոսուլ քաղաքից 30կմ հեռավորության վրա գտնվող Բաշիքա շրջան և հաստատվել ավելի վաղ թուրքերի կողմից հիմնած ռազմակայանում: Թուրքական կողմի պնդմամբ` իրենց զորախումբը նպատակ ունի մարզել իրաքյան Քուրդիստանի զինված ուժերի` Փեշմերգայի զորաջոկատները` «Իսլամական պետություն» (ԻՊ) ահաբեկչական կազմակերպության դեմ մղվող մարտերի համար:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |