Տարածաշրջան08:09, 26 Հուլիս 2016
Էրդողանը կրկին խոսել է մահապատիժը վերականգնելու հնարավորության մասին
Թուրքիայի նախագահ Ռեջեփ Թայիփ Էրդողանը գերմանական «ARD» հեռուստաալիքին տված հարցազրույցի ժամանակ միանգամայն հնարավոր է համարել երկրում մահապատժի վերականգնումը` նշելով, որ այն վերացված է միայն Եվրամիության անդամ երկրներում և դրանցից դուրս գրեթե բոլոր երկրներում առկա է:
«53 տարի է` մենք թակում ենք ԵՄ-ի դռները: Մենք վերացրել ենք նաև մահապատիժը: Սակայն ի՞նչ է փոխվել դրանից: Այժմ ժողովրդավարական ու իրավական երկրում ենք ապրում, որտեղ խոսքը ժողովրդին է պատկանում: Ժողովուրդն էլ մահապատիժ է ուզում»,- ասել է Էրդողանը: Վերջինս ավելացրել է, որ իրենց` ղեկավարողների պարտականությունն էլ այդ պահանջը խորհրդարան տեղափոխելն է, որտեղ կամ կընդունվի այդ պահանջը, կամ էլ` հակառակը:
«Եթե խորհրդարանը հաստատի, ապա այդ ուղղությամբ քայլեր կսկսվեն, եթե չհաստատի` այդ դեպքում ասելու բան չենք ունենա»,- ավելացրել է Թուրքիայի նախագահը:
Ըստ թուրքական «Milliyet» թերթի կայքի` Էրդողանը քննադատել է նաև ԵՄ-ի դիրքորոշումը Թուրքիայում մահապատժի վերականգնման վերաբերյալ: Էրդողանը նշել է, որ իր տեսանկյունից առնվազն անկեղծ չեն ԵՄ-ի քննադատական մոտեցումները, քանի որ իրենք կատարում են ժողովրդի պահանջը:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |