Տարածաշրջան08:12, 21 Հուլիս 2016
Թուրքիայում եռամսյա արտակարգ դրությունը ի՞նչ է ենթադրում
Թուրքիայում 3 ամիս ժամկետով արտակարգ դրություն է մտցվել: Թուրքական «Haberler.com» լրատվակայքը պարզաբանում է «արտակարգ դրության» հայտարարման պայմաններն և նշանակությունը:
Այսպիսով, «արտակարգ դրություն» հայտարարվում է 4 հիմնական իրավիճակներում՝
1. բնական աղետներ,
2. համաճարակային հիվանդություններ,
3.ծանր տնտեսական ճգնաժամեր,
4.սահմանադրական կարգի խախտմանն ուղղված բռնարարքներ:
Թուրքիայում հայտարարված արտակարգ դրությունը վերաբերում է ողջ երկրին: Անհրաժեշտության դեպքում դրա տևողությունը կարող է նաև երկարաձգվել առավելագույնը 4 ամիս ժամկետով: Այդ մասին որոշումը պետք է հաստատվի կառավարությամբ և հրապարակվի հանրապետության նախագահի կողմից: Նման որոշումներն իրավական ճանապարհով բողոքարկման ենթակա չեն:
Արտակարգ դրության շրջանակներում հնարավոր է նաև հետևյալ միջոցառումների կիրառությունը՝ որևէ նահանգում կամ շրջանում բնակիչների փողոց դուրս գալու իրավունքի սահմանափակում կամ արգելում, թերթերի, ամսագրերի, գրքույկների, գրքերի, թռուցիկների ու հայտարարությունների և նմանատիպ հրատարակությունների տպագրման, բազմացման և տարածման, արտակարգ իրավիճակի տարածքից դուրս հրատարակվածների՝ տարածք ներմուծման ու տարածման արգելում կամ դրա համար հատուկ թույլտվության սահմանում, ինչպես նաև՝ արդեն իսկ տարածված արգելված հրատարակությունների հավաքագրում:
Հնարավոր է նաև ամեն տեսակ գրավոր և ձայնային ինֆորմացիայի՝ տեքստերի, նկարների, տեսաֆիլմերի, տեսաժապավենների, ձայնագրությունների, ամեն տեսակ բեմադրությունների և ֆիլմերի ստուգում ու գրաքննություն, անհրաժեշտության դեպքում՝ դրանց կրկնօրինակում կամ արգելում, ինչպես նաև՝ ամենատարբեր ասոցիացիաների գործուներության դադարեցումը՝ յուրաքանչյուրի դեպքում առանձին որոշմամբ՝ ոչ ավելի, քան 3 ամիս ժամկետով:
Հիշեցնենք, որ հուլիսի 15-ին Թուրքիայում նախաձեռնված պետական հեղաշրջման ձախողված փորձի շրջանակներում հուլիսի 20 -ի երեկոյան երկրում 3 ամիս ժամկետով արտակարգ դրություն է հայտարարվել: Ըստ պաշտոնական տվյալների՝ զինված գործողության հետևանքով սպանվել է 246, վիրավորվել՝ 1.536 մարդ:
Այս ենթաբաժնի վերջին նորությունները
Թուրքիայի նախագահը գոհունակություն է հայտնել Ադրբեջանի և Հայաստանի միջև խաղաղության գործընթացի դրական առաջընթացից և նշել, որ Թուրքիան ուշադրությամբ հետևում է գործընթացին։
Այցի շրջանակներում կողմերը կքննարկեն ապրանքաշրջանառության ծավալները 5 մլրդ դոլարի հասցնելու հարցը։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մայիսի 19-ին՝ Իրանի և Ադրբեջանի Հանրապետության սահմանին գտնվող ջրամբարի բացման արարողությունից վեռադառնալիս Իրանի նախագահին տեղափոխող ուղղաթիռը կործանվել էր:
Կան նաև շրջանակներ, որոնք նկատի ունենալով իրենց երկրի նախագահ Ռեջեփ Թայիփ Էրդողանին, գրել են․ «Տարոսը մեզ»։
Ըստ թուրքական գերատեսչության՝ հույն աջ ծայրահեղականների կողմից արվող պնդումները վնասում են թուրք-հունական հարաբերությունները:
Oրակարգում են լինելու դատական համակարգի փոփոխության նախագծի, կրթության ոլորտի և տնտեսության վերաբերյալ հարցեր:
Թուրքիայի նախագահը գոհունակություն է հայտնել Ադրբեջանի և Հայաստանի միջև խաղաղության գործընթացի դրական առաջընթացից և նշել, որ Թուրքիան ուշադրությամբ հետևում է գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |