Տարածաշրջան07:58, 19 Հուլիս 2016
Էրդողան. «Եթե խորհրդարանը մահապատիժը վերականգնելու որոշում կայացնի, ես այն կստորագրեմ»
Թուրքիայի նախագահ Ռեջեփ Թայիփ Էրդողանը հայտարարել է, որ եթե Թուրքիայի խորհրդարանը մահապատիժը վերականգնելու որոշում կայացնի, ապա ինքը պատրաստակամ է այն ստորագրել: Այս մասին Էրդողանը հայտնել է ամերիկյան CNN հեռուստաալիքին տված հարցազրույցի ժամանակ, երբ մանրամասներ էր ներկայացրել հուլիսի 15-ին Թուրքիայում տեղի ունեցած ռազմական հեղաշրջման անհաջող փորձից:
«Մենք գործ ունենք հայրենքի դավաճանության հանցանքի հետ, ուստի մեր կառավարությունը մահապատժի պահանջը չի կարող մերժել»:
Էրդողանը խոսել է նաև իսլամի քարոզիչ, գյուլենական շարժման առաջնորդ, ամերիկաբնակ թուրք միլիարդատեր Ֆեթթուլահ Գյուլենի արտահանձման մասին: Թուրքական իշխանությունները նրան համարում են նախաձեռնված պետական հեղաշրջման գլխավոր դերակատարներից մեկը:
Էրդողանը նշել է, որ թեև Գյուլենին արտահանձնելու մասին բանավոր կոչով դիմել է ԱՄՆ նախագահ Բարաք Օբամային, բայց այս շաբաթ կներկայացվի նաև համապատասխան պաշտոնական դիմումը: Իսկ եթե ԱՄՆ-ն մերժի, Էրդողանը խոստացել է մերժել հետագայում ԱՄՆ կողմից Թուրքիային ներկայացվելիք արտահանձման պահանջները:
Հիշեցնենք, որ Եվրամիության (ԵՄ) արտաքին քաղաքականության և անվտանգության հարցերով գերագույն հանձնակատար Ֆեդերիկա Մոգերինին, անդրադառնալով Թուրքիայում մահապատժի հնարավոր վերականգնման մասին լուրերին, հայտարարել էր. «Որևէ երկիր, որը կրկին վերադառնում է մահապատժին, չի կարող Եվրամիության անդամ լինել»:
Այս ենթաբաժնի վերջին նորությունները
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի կողմից 2019-ին ՌԴ-ից գնված, բայց գործնականում այդպես էլ չօգտագործված հակաօդային պաշտպանության համակարգերի շուրջ նոր զարգացումներ կան։
Այն ներառում է համագործակցություն աշխատանքի, զբաղվածության, սոցիալական ապահովության և աշխատանքի անվտանգության ոլորտներում։
Կողմերը քննարկել են Թուրքիայի պաշտպանական արդյունաբերության ներուժը, տեղական և ազգային հնարավորությունների զարգացումը։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
«To Vima» օրաթերթն անդրադարձել է Թուրքիայի արտաքին քաղաքականությանը՝ ընդգծելով, որ այդ երկիրը բազմակողմանի դիվանագիտություն է վարում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |