Հասարակական11:28, 21 Հունիս 2016
Ոչ մահմեդական փախստականները Թուրքիայում անվտանգության խնդիր ունեն
Թուրքիայի ընդդիմադիր «Ժողովուրդների հանրապետական» կուսակցությանն (ԺՀԿ-CHP) առընթեր համապատասխան հանձնաժողովը Թուրքիայում փախստականների վիճակի վերաբերյալ զեկույց է կազմել:
«SputnikNews»-ի թուրքական ծառայության տեղեկացմամբ՝ զեկույցում մասնավորապես արձանագրվել է. «Թուրքիայում դժվար է փախստական լինելը, իսկ ոչ մահմեդական փախստական լինելը՝ առավել ևս»:
Թուրքիայում ներկայումս ժամանակավոր կամ հիմնական սկզբունքով բնակվում է շուրջ 45.000 ոչ մուսուլման գաղթական, որոնց մեծ մասը սիրիացիներ են, հայեր, եզդիներ, քաղդեացիներ:
Հանձնաժողովի ներկայացուցիչներն այցելել են Յոզգաթում ապաստանած հայ գաղթականներին: Վերջիններս շրջապատում ներկայանում են որպես արաբ, խոսում արաբերեն և միայն տանն են համարձակվում հայերեն խոսել, քանի որ հայ լինելու պատճառով շատ մեծ սպառնալիքների ու հարձակումների թիրախում են գտնվում:
Հայ գաղթականները հնարավորություն չունեն կատարելու իրենց կրոնական ծեսերը, կամ կատարում են դրանք ծայրահեղ գաղտնիության պայմաններում: Նշվում է, որ ստամբուլյան եկեղեցիները նույնիսկ հստակ տեղյակ չեն, թե Անատոլիայում քանի քրիստոնյա ներգաղթյալ կա:
Թուրքիա մուտք գործելիս էմիգրանտների անձնական տվյալները արձանագրվել են, հետևաբար, պետությանը հայտնի է, թե ով ինչ ազգի և ինչ կրոնի ներկայացուցիչ է: Սակայն այդ ինֆորմացիան որևէ կերպ չի հրապարակվում: Ոչ մուսուլման փախստականների համար շատ ավելի դժվար է աշխատանք գտնելը, իսկ հնարավոր աշխատանքների համար էլ անհամեմատ ցածր են վճարվում:
Ոչ մահմեդական ներգաղթյալները անվտանգության նկատառումներով ապրում են որպես փակ համայնքներ, նրանք իրավունք չունեն ինքնակամ հեռանալու իրենց բնակավայրից, քանի որ պարբերաբար պիտի ներկայանան ստորագրելու, չունեն կրոնական ամուսնություններ կնքելու, սեփական հանգուցյալներին հուղարկավորելու հնարավորություն:
ԺՀԿ-ի հայ պատգամավոր, հանձնաժողովի անդամ Սելինա Դողանը նշել է, որ քրիստոնյա գաղթականները շատ մտահոգված են և վախենում են, թե ինքնության պատճառով իրենց հետ կարող են դժբախտություններ պատահել: Դողանն ընդգծել է, որ փախստականների խնդիրները կարգավորող իրավական դաշտը լուրջ բարեփոխումների կարիք ունի:
Սույն զեկույցը նաև հրատարակվել է գրքի տեսքով: Այն վաճառքի է հանվել հունիսի 20-ին՝ փախստականների միջազգային օրվա առթիվ: Գրքի վաճառքից գոյացած ողջ հասույթը նախատեսվում է նվիրաբերել Թուրքիայում ապաստանած մարդկանց խնդիրների լուծմանը:
Այս ենթաբաժնի վերջին նորությունները
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Աֆղանստանում օրերս 6 մագնիտուդ ուժգնությամբ երկրաշարժ էր գրանցվել։ Մահացածների թիվը գերազանցում է 1000-ը։
«Seltat.ru» հարթակում հրապարակվել է տուր փաթեթների վաճառքի սեպտեմբերի վիճակագրությունը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |