Միջազգային08:05, 27 Մայիս 2016
Եվրոպացի պաշտոնյաները պատասխանել են Էրդողանի սպառնալիքներին
Մի շարք եվրոպական պաշտոնյաներ պատասխանել են Թուրքիայի նախագահ Ռեջեփ Թայիփ Էրդողանի այն սպառնալիքներին, որոնցում ասվում է, թե ԵՄ-ի կողմից վիզային ռեժիմը չչեղարկելու դեպքում Թուրքիայի խորհրդարանը չի հաստատի Հետ ընդունման (Ռեադմիսիայի) համաձայնագիրը:
Ըստ թուրքական «Milliyet» թերթի կայքի` Եվրոպական հանձնաժողովի նախագահ Ժան-Կլոդ Յունկերը թուրքական կողմին հորդորել է դադարեցնել սպառնալիքները, քանի որ դրանք որևէ արդյունք չեն տալու:
«Սպառնալիքները ամենալավ դիվանագիտական գործիքները չեն: Այդ իսկ պատճառով պետք է վերջ դրվի դրանց, քանի որ սպառնալիքները որևէ ազդեցություն չեն ունենալու»,- ասել է եվրոպացի բարձրաստիճան պաշտոնյան:
Յունկերը այնուամենայնիվ հույս է հայտնել, որ Թուրքիան հավատարիմ կմնա ստանձնած պարտավորությունների կատարմանը:
Թեմայի վերաբերյալ հայտարարություն է արել նաև Գերմանիայի «Սոցիալ-դեմոկրատական կուսակցության» խորհրդարանական խմբակցության նախագահ Թոմաս Օպերմանը. «Ի պատասխան Թուրքիայի սպառնալիքների` ԵՄ-ն պետք է անցնի «պլան Բ»-ին` պաշտպանելով իր սահմանները»: Օպերմանը նշել է նաև, որ Եվրոպան կարիք ունի սահմանային կանոնադրության և փախստականների հետ կապված օրենքների փոփոխության:
Ավստրիայի պաշտպանության նախարար Հանս Պետեր Դոսկոցիլն էլ հայտարարել է, որ իր երկիրը պատրաստ է Թուրքիայի կողմից Հետ ընդունման համաձայնագրի առկախմանը:
«Ցանկանում ենք Թուրքիային տեղյակ պահել, որ մենք ընդունակ ենք պահպանել մեր սահմանները»,- հայտարարել է Դոսկոցիլը:
Հիշեցնենք, որ մարտի 18-ին Թուրքիայի և ԵՄ-ի միջև ստորագրված Միգրացիոն համաձայնագրի շրջանակներում ԵՄ-ը պարտավորվել էր չեղարկել Թուրքիայի քաղաքացիների համար կիրառվող վիզային ռեժիմը պայմանով, որ Անկարան կկատարի առաջադրված 72 կետանոց նախապայմանները, որոնցից մեկն էլ ահաբեկչության մասին օրենքի փոփոխությունն էր: Սակայն Թուրքիան հրաժարվեց վերոնշյալ օրենքում փոփոխություն կատարելուց, ինչին ի պատասխան եվրոպական կողմը հայտարարեց, որ վիզային ռեժիմի չեղարկումը չի կարող իրականություն դառնալ, քանի դեռ նշյալ օրենսդրական փոփոխությունը չի կատարվել: Այս ամենից վրդովված Էրդողանն էլ օրերս սպառնացել էր Եմ-ին, որ Թուրքիայի խորհրդարանը չի հաստատի միգրացիոն համաձայնագրի կետերից մեկը հանդիսացող Հետ ընդունման համաձայնագիրը:
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Ջևդեթ Յըլմազը սոցհաշվում կատարած գրառմամբ անդրադարձել է մայիսի 6-ին Իսրայելի կողմից Գազայի հատվածի ուղղությամբ իրականացված օդային հարձակմանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |