Սիրիայի կողմից կրկին հրթիռներ են ընկել Թուրքիայի տարածք

Տարածաշրջան07:13, 29 Ապրիլ 2016

Սիրիայի կողմից կրկին հրթիռներ են ընկել Թուրքիայի տարածք

Սիրիայի հետ սահմանամերձ թուրքական Քիլիս նահանգի համանուն քաղաքի տարածքում այսօր վաղ առավոտյան 2 հրթիռ է ընկել:

Ըստ թուրքական «Haberler.com» լրատվական կայքի` Սիրիայի տարածքից արձակված հրթիռներն ընկել են առանձնատների թաղամասում` տներին հարակից հողամասերում, ինչի հետևանքով զոհեր և վիրավորներ չեն գրանցվել:

Աղբյուրը նշում է, որ քաղաքացիները առաջին հրթիռի պայթյունից հետո ահազանգել են ոստիկանություն: Իսկ երկրորդ հրթիռն ընկել է դեպքի վայրում ոստիկանական ստորաբաժանումների կողմից կատարվող ուսումնասիրության ժամանակ:

Նշենք, որ վերջին շրջանում հաճախակի են Սիրիայի տարածքից հրթիռներ ընկնում թուրքական հարակից Քիլիս նահանգի վրա: Սիրիայի այն հատվածը, որտեղից պարբերաբար հրթիռներ են արձակվում Քիլիսի վրա, գտնվում է «Իսլամական պետություն» (ԻՊ) ահաբեկչական կազմակերպության վերահսկողության տակ:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: