Քաղաքական13:15, 26 Ապրիլ 2016
Թուրքիայի արտգործնախարարը Բաքվում անդրադարձել է ղարաբաղյան հարցին
Թուրքիայի արտաքին գործերի նախարար Մևլութ Չավուշօղլուն Ադրբեջանում պատասխանել է լրագրողների հարցերին ղարաբաղյան թեմայով: Նա Թուրքիայի նախագահ Ռեջեփ Թայիփ Էրդողանի հետ մասնակցում է Բաքվում ընթացող «Քաղաքակրթությունների դաշինքի 7-րդ գլոբալ ֆորումին»:
«Մենք աջակցում ենք Ադրբեջանի տարածքային ամբողջականությանը, սահմանների լրիվությանը: Ղարաբաղյան հիմնախնդիրը՝ Ադրբեջանի բռնազավթված տարածքների հարցը, պիտի լուծվի ՄԱԿ-ի և միջազգային կառույցների ընդունած որոշումների շրջանակներում դիվանագիտական ճանապարհով: Մենք դրա կողմնակիցն ենք»,- ասել է Չավուշօղլուն:
Շեշտել է, որ այդ առումով խիստ կարևոր հանձնառություններ են ընկած Մինսկի խմբի, մասնավորապես եռանախագահության, ԱՄՆ-ի, Ֆրանսիայի և Ռուսաստանի ուսերին:
«Եթե նրանք կամենան, ապա այս հարցը շատ կարճ ժամանակում կարող է լուծվել: Իսկ Հայաստանը հրադադարի ռեժիմը խախտում է, որովհետև չի ցանկանում քաղաքական լուծում: Մինչդեռ Ադրբեջանը, հրադարարի միակողմանի խախտման մասին հայտարարելով, խնդրի խաղաղ լուծմանն իր կողմնակից լինելն է ի ցույց դնում աշխարհին»:
Թուրքիայի արտգործնախարարը մեկ անգամ ևս հիշեցրել է, որ Անկարան կողմնակից է խնդրի խաղաղ կարգավորմանը, բայց և սատարում է եղբայրական Ադրբեջանին հիմա ու հետո:
Չավուշօղլուն անտրամաբանական է համարել ՌԴ վարչապետի մեկնաբանություններն այն մասին, որ շփման գծում լարվածության աճի մեջ չի բացառվում թուրքական գործոնի առկայությունը: Թուրք նախարարը պնդել է, որ հայկական կողմն է խախտում զինադադարի ռեժիմը և ակնարկել ռուսական գործոնի առկայության մասին:
Իսկ այն հարցին, թե ինչպես կմեկնաբանի ՀՀ նախագահի հայտարարությունները պատերազմի վերսկսման մասին, Չավուշօղլուն պատասխանել է. «Ես շատ վաղուց ասել եմ ու հիմա էլ եմ ասում, Ղարաբաղի ու Ադրբեջանի բռնազավթված տարածքների հարցի համար պատասխանատու անձանցից դրական մոտեցում կամ խաղաղ լուծում սպասելը ավելորդ լավատեսություն է»:
Այս ենթաբաժնի վերջին նորությունները
Օրակարգում են եղել Թուրքիա-Ուկրաինա երկկողմ հարաբերություններին, ինչպես նաև ռուս-ուկրաինական խաղաղության գործընթացին, տարածաշրջանային և համաշխարհային զարգացումներին վերաբերող հարցեր։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |