Դավութօղլու. «Ղարաբաղյան հարցի կարգավորման գործընթացին պետք է մասնակցեն Մինսկի խմբի բոլոր երկրները»

Քաղաքական07:22, 08 Ապրիլ 2016

Դավութօղլու. «Ղարաբաղյան հարցի կարգավորման գործընթացին պետք է մասնակցեն Մինսկի խմբի բոլոր երկրները»

Թուրքիայի վարչապետ Ահմեթ Դավութօղլուն լրագրողների հետ հանդիպման ժամանակ խոսել է արցախյան հիմնախնդրի կարգավորման ձևաչափի և վերջին օրերի բախումների մասին:

Ըստ թուրքական «Haberler.com» լրատվական կայքի` լրագրողները Դավութօղլուից հետաքրքրվել են, թե որոնք պետք է լինեն Թուրքիայի քայլերը այս իրավիճակում և արդյոք կարիք կա փոխելու ԵԱՀԿ Մինսկի խմբի կառուցվածքը:

Հարցին ի պատասխան` Դավութօղլուն, մասնավորապես, ասել է. «Գիտեք, որ մենք Մինսկի խմբի անդամ ենք: Բայց քանի դեռ ողջ գործընթացն առաջ են տանում 3 համանախագահները, մյուս անդամները դրանից դուրս են մնում: Եվ ավելին, այդ 3 երկրներում բավական հզոր հայկական լոբբի կա: Այդ իսկ պատճառով այստեղ չի կարող խոսք լինել հավասարակշռված գործընթացի մասին: Բնականաբար Հայաստանը և Ռուսաստանը չեն ցանկանում , որ Թուրքիան կամ մեկ այլ երկիր մասնակցի գործընթացին»:

Դավութօղլուն ավելացրել է, որ Թուրքիան Գերմանիայի հետ միասին նախաձեռնությամբ է հանդես եկել բոլոր անդամ երկրների մասնակցությունը գործընթացին ապահովելու համար:

Անդրադառնալով վերջին օրերի հայ-ադրբեջանական բախումներին` Դավութօղլուն կրկին հիշեցրել է, որ իրենք այս իրավիճակում Ադրբեջանի կողքին են:

«Ադրբեջանի նկատմամբ ցանկացած սպառնալիք ուղղված է նաև Թուրքիային: Ադրբեջանի տարածքային ամբողջականությունը և ճակատագիրը մեր ճակատագիրն է»,- եզրափակել է Դավութօղլուն:

Աղբյուր` Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։