Մարտի 7-ից 25-ը տեղի կունենա թուրք-ադրբեջանական զորավարժություն

Տարածաշրջան11:21, 04 Մարտ 2016

Մարտի 7-ից 25-ը տեղի կունենա թուրք-ադրբեջանական զորավարժություն

Թուրքիայի Քոնիա նահանգում մարտի 7-25 ընկած ժամանակատվածում տեղի կունենա ռազմաօդային ուժերի թուրք-ադրբեջանական համատեղ զորավարժություն (TURAZ արծիվ-2016):

Ինչպես իրազեկում է թուրքական «haber10» լրատվակայքը, զորավարժությունն անցկացվելու է Քոնիայի 3-րդ ռազմաօդային բազայում:

Նշյալ տեղեկությունը հաստատել է նաև Թուրքիայի զինված ուժերի (ԶՈՒ) գլխավոր շտաբը՝ հրապարակելով համապատախսան հայտարարություն իր պաշտոնական կայքում:

Տեղեկացնենք, որ թուրքական աղբյուրը, ինչպես նաև Գլխավոր շտաբը զերծ են մնում մանրամասներ հայտնելուց, իսկ ահա ադրբեջանական լրատվական կայքերը նշում են, թե զորավարժության ժամանակ օգտագործվելու են «MIG-29», «F-16», «SU-25» տիպի ռազմական ինքնաթիռներ:

Աղբյուր` Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։