Մշակութային07:56, 17 Փետրվար 2016
Դիարբեքիրում բախումների պատճառով լրջորեն տուժել են հայկական եկեղեցիները
![Դիարբեքիրում բախումների պատճառով լրջորեն տուժել են հայկական եկեղեցիները](https://www.ermenihaber.am/news_images/26/76430_1/300x225.jpg)
Դիարբեքիրի Սուր շրջանն արդեն 78 օր շարունակվող պարետային ժամի և զինված բախումների պատճառով մեծապես տուժել է: Թուրքական «Dicli» լրատվական գործակալության տեղեկության համաձայն՝ մասամբ վնասվել է նաև Միջին Արևելքի ամենամեծ հայկական եկեղեցին՝ Սուրբ Կիրակոսը:
Սոցկայքերում տարածված լուսանկարների և լուրերի համաձայն՝ այս շրջանում բախումներից ավերված այլ պատմական կառույցների թվում հայտնվել է նաև Սուրբ Կիրակոսը, որի պատերը քանդել են՝ ներս մտնել կարողանալու համար:
Եկեղեցու հիմնադրամի գործադիր խորհրդի անդամ Գաֆուր Թուրքայը նշում է, որ Սուրում, որտեղ նախկինում միախառմվում էին մուսուլմանական ազանի (աղոքի հրավիրող կանչ) և հայկական եկեղեցու զանգերի ձայները, հիմա արդեն ոչ ազան է հնչում, ոչ էլ զանգեր:
Գաֆուր Թուրքայը հայտնել է, որ մամուլում եկեղեցու ավեված լուսանկարների հրապարակումից հետո ինչպես Թուրքիայի այլ քաղաքներում, այնպես էլ Եվրոպայում և Ամերիկայում բնակվող հայերն անվերջ զանգահարում են իրենց, փորձում եկեղեցու մասին որևէ հստակ տեղեկություն ստանալ:
Թուրքայը նշել է նաև, որ Սուրում գետնին է հավասարեցվել մեկ այլ պատմական կառույց՝ «Kurşunlu Cami» անվամբ հայտնի մզկիթը:
Սուրբ Կիրակոս եկեղեցու կրած կորուստների մասին որևէ պաշտոնական լուր ստանալ իրենց չի հաջողվել, քանի որ Սուրն արգելված գոտի է և նույնիսկ պետական ծառայողները որևէ տեղեկություն չեն հաղորդում:
Իսկ Թուրքիայի հայկական «Ակոս» թերթի գլխավոր խմբագիր Էդվարդ Դանզիկյանը, պատասխանելով հայաստանյան լրատվամիջոցների հարցերին, նշել է, որ մամուլում տարածված կիսավեր եկեղեցու լուսանկարները ոչ թե առաքելական Սուրբ Կիրակոս եկեղեցին են պատկերում, այլ արված են Դիարբեքիրի Սբ Սարգիս հայկական կաթոլիկ եկեղեցում:
Հիշեցնենք, որ Սուրբ Կիրակոս հայկական եկեղեցին 97-ամյա անգործությունից հետո վերականգնվել և մեծ շուքով վերաբացվել է 2012թ. նոյեմբերի 4-ին՝ վերամիավորելով Դիարբեքիրի և շրջակա բնակավայրերի բոլոր հայտնի և անգամ ծպտյալ հայերին: Տեղի հայ համայնքի համար եկեղեցին դարձել էր արմատներին վերադառնալու, քրիստոնեական կրոնական ավանդույթները չմոռանալու և պարզապես հայ համայնքի միջև եղած կապերն էլ ավելի ամրապնդելու միջոց:
Ինչպես նշում է եկեղեցու հիմնադրամի գործադիր խորհրդի անդամը՝ եթե եկեղեցին կրկին անգործության մատնվի, դա մեծ հարված կլինի տեղի հայ համայնքի համար և խորը հիասթաթության ու վշտի պատճառ կդառնա:
Այս ենթաբաժնի վերջին նորությունները
![Ֆիդանը պնդել է, որ Չինաստանի Ուրումչի և Քաշգար քաղաքները «թուրք-իսլամական հին քաղաքներ» են](https://www.ermenihaber.am/news_images/93/277089_2/hakan_fidanaa_2238256_1.thumb.jpg)
Թուրքիայի արտաքին գործերի նախարար Հաքան Ֆիդանը Չինաստան այցի շրջանակներում այցելել է Ուրումչի և Քաշգար քաղաքներ։
![Այսօր լրանում է արևմտահայ մեծանուն գրող Զարեհ Յալտըզճյանի 100-ամյակը](https://www.ermenihaber.am/news_images/93/276742_2/0333.thumb.jpg)
Թուրքիայի հայ համայնքում սիրված և «Զահրատ» գրական կեղծանունով հայտնի գրողի տարեդարձի առթիվ նրա ստեղծագործությունների հիման վրա հայ մանուկների կողմից պատրաստված անիմացիոն ֆիլմեր են ցուցադրվել:
![Դիարբեքիրի հայկական Սբ․ Սարգիս եկեղեցին կվերականգնվի](https://www.ermenihaber.am/news_images/93/276178_2/0333.thumb.jpeg)
Սուրբ Սարգիս եկեղեցու վերականգնման համար հատկացվել է ավելի քան 155 հզ դոլար, անհրաժեշտ է ևս շուրջ 2 մլն դոլար:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի կենտրոնական հատվածում գտնվող Քըրշեհիր քաղաքում հակաահաբեկչական գործողություն է իրականացվել:
İGFA-ի կազմակերպած համաժողովի ընթացքում մասնակիցները հունական կողմին մեղադրել են վերոնշյալ վայրերում թուրքական մշակույթը վերացնելու մեջ:
Թուրքական լրատվամիջոցները հաղորդում են, որ գագաթնաժողովի բացման նստաշրջանի իր ելույթում Ֆիդանը խոսելու է Ուկրաինայի հակամարտության տարածաշրջանային և գլոբալ հետևանքների մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |