Թուրքիայում 5 տարում 7 կոտորած, 537 զոհ, 0 հրաժարական. ո՞վ է մարդասպանը

Տարածաշրջան08:29, 13 Հունվար 2016

Թուրքիայում 5 տարում 7 կոտորած, 537 զոհ, 0 հրաժարական. ո՞վ է մարդասպանը

Վերջին 5 տարում Թուրքիայում 7 զանգվածային սպանդ է տեղի ունեցել, որոնց հետևանքով զոհվել է 537 մարդ: Թուրքական ընդդիմադիր «Sendika.org» լրատվակայքը ուշադրություն է հրավիրում այն փաստի վրա, որ չնայած այս վիճակագրությանը՝ դեպքերից և ոչ մեկը չի ուղեկցվել որևէ պատասխանատու պաշտոնյաի պաշտոնաթողությամբ: Փոխարենը ամեն անգամ լրատվամիջոցների նկատմամբ լուսաբանման սահմանափակումներ են կիրառվել:

«5 տարում 7 կոտորած, 537 զոհ, 0 հրաժարական. ո՞վ է մարդասպանը» հարցադրում-վերնագրով հոդվածում թուրքական կայքը մանրամասնորեն անդրադարձել է զանգվածային սպանդի վերոհիշյալ 7 դեպքերին: Իսկ Էրդողանի և հարկադրաբար լռեցվող մամուլի խորհրդանշական նկարով աղբյուրը ըստ էության մատնանշում է գլխավոր մեղավորին և մարդասպանին:

ԱՌԱՋԻՆ

2011թ. դեկտեմբերի 28-ին թուրքական ռազմաօդային ուժերը ռմբակոծեցին Իրանին սահմանակից Շըրնաք նահանգի Ուլուդերե շրջանի հարակից տարածքը, ինչի հետևանքով 34 խաղաղ բնակիչ զոհվեց՝ բոլորն էլ քուրդ: Ռեջեփ Թայիփ Էրդողանը շնորհակալություն հայտնեց թուրքիայի զինված ուժերին: Դեպքի առթիվ որևէ պաշտոնաթողություն, հրաժարական չեղավ: Իսկ մամուլին արգելվեց լուսաբանել դեպքը:

ԵՐԿՐՈՐԴ

2013թ. մայիսի 11-ին Սիրիայի հետ սահմանակից Ռեյհանլը շրջանում տեղի ունեցած պայթյունների հետևանքով սպանվեց 54 խաղաղ բնակիչ: Քաղաքական պատասխանատուներից որևէ մեկը հրաժարականի դիմում չներկայացրեց: Դեպքի լուսաբանումն արգելվեց:

ԵՐՐՈՐԴ

2014թ. մայիսի 13-ին Թուրքիայի Մանիսա նահանգի Սոմա շրջանի վթարված ածխահանքում հրդեհի հետևանքով կյանքից հեռացավ 301 հանքափոր: Քաղաքական պատասխանատուներից որևէ մեկը հրաժարական չտվեց: Դեպքի լուսաբանումը կրկին արգելվեց:

ՉՈՐՐՈՐԴ

2015թ. հունիսի 5-ին Դիարբեքիրում տեղի ունեցած պայթյունի հետևանքով զոհվեց քրդամետ «Ժողովուրդների դեմոկրատական» կուսակցության (ԺԴԿ-HDP) 5 ներկայացուցիչ: Վիրավորվեց ավելի քան 400 քաղաքացի: Պետպաշտոնյաներից որևէ մեկը հրաժարական չտվեց: Դրա փոխարեն մամուլին դարձյալ արգելվեց լուսաբանել դեպքը:

ՀԻՆԳԵՐՈՐԴ

2015թ. հուլիսի 20-ին Շանլըուրֆա նահանգի Սուրուչ շրջանում մահապարտի իրականացրած պայթյունին զոհ գնաց 33 քաղաքացի, եղան 100-ից ավելի վիրավորներ: Պատկերը նույնն էր՝ մամուլը ստիպողաբար լռեց, որևէ պատասխանատու անձ չհեռացավ իր զբաղեցրած պաշտոնից:

ՎԵՑԵՐՈՐԴ

2015թ. հոկտեմբերի 10-ին Անկարայի երկաթուղային կայարանի հարակից հրապարակում իրարահաջորդ 2 ուժգին պայթյունների հետևանքով սպանվեց 100 խաղաղ բնակիչ: Պաշտոնաթողություն դարձյալ չեղավ, իսկ դեպքի պատշաճ լուսաբանումը, ինչպես միշտ, արգելվեց:

ՅՈԹԵՐՈՐԴ

2016թ. հունվարի 12-ին Ստամբուլի Սուլթանահմեթ հրապարակում մահապարտի իրականացրած պայթյունից 10 մարդ զոհվեց, որոնցից 8-ը՝ Գերմանիայի քաղաքացի: Եվս 15-ը վիրավորվեցին: Քաղաքական պատասխանատուների շրջանում կրկին լռություն է, մինչդեռ պայթյունից 1 ժամ անց մամուլին արգելվեց դեպքի մանրամասների վերաբերյալ հրապարակումներ անել:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։