Քաղաքական07:51, 26 Նոյեմբեր 2015
Իրանում կարծում են. «Թուրքիան խաղում է կրակի հետ»
Թուրքական օդուժի կողմից ռուսական ռազմական ինքնաթիռի խոցումն արձագանք է գտել Իրանի Իսլամական Հանրապետությունում (ԻԻՀ): Ինչպես իրազեկում է թուրքական «milliyet» թերթի կայքը, նշյալ միջադեպի մասին խոսել է Իրանի ԶՈՒ գլխավոր շտաբի պետի տեղակալ, գեներալ-մայոր Մեսուդ Ջեզայրին: Վերջինս ասել է, որ թեև ռուսական ռազմական ինքնաթիռը ոչնչացվել է, այնուամենայնիվ, Ռուսաստանը կշարունակի իր ակտիվ գործողությունները Սիրիայում՝ պայքարելով ահաբեկչների դեմ:
Իրանական մամուլը նույնպես անդրադարձել է միջադեպին: Մասնավորապես «Vatan-i Emruz» թերթը ռուսական ինքնաթիռի խոցման հետ կապված նշել է. «Թուրքիան կրակի հետ է խաղում»: Իսկ պաշտոնական «Իրան» թերթը «Էրդողանի և Պուտինի կողմից սիրիական օդում ուժի ցուցադրություն» վերտառությամբ նյությում մեջբերվել է Պուտինի այն խոսքեր, թե «ահաբեկչների դեմ պայքարողները մեզ հարվածեցին թիկունքից»: Նյութում հիշատակվում են այն փաստերը, որ միջադեպի հետ կապված Ռուսաստանի արտաքին գործերի նախարարը չեղարկել է իր այցը Թուրքիայի հետ կապված, իսկ Պուտինն էլ հնչեցրել էր սպառնալիքներ:
Ավելի վաղ Իրանի նախագահ Հասան Ռուհանին, մեկնաբանելով տեղի ունեցածը, նշել էր հետևյալը. «Թուրք-սիրիական սահմանին տեղի ունեցած միջադեպը չափազանց վտանգավոր է. այն իրավիճակն ավելի է բարդացնում: Մեր ունեցած տեղեկատվության համաձայն՝ ռուսական ինքնաթիռը գործողություն էր իրականացնում Սիրիայի երկնքում: Ենթադրենք, որ ինքնաթիռը մոտեցել է Թուրքիայի սահմանին: Հրթիռը կամ ինքնաթիռը մի՞թե խաղալիք են, որ ով ցանկանա օդում կրակ արձակելու որոշում կայացնի: Արդյո՞ք կարելի է տարածաշրջանում այդքան անկանոն իրավիճակ ստեղծել»:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |