Քաղաքական07:20, 16 Նոյեմբեր 2015
Ֆրանսիան ռմբակոծել է ԻՊ-ի ռազմաբազան, ռազմամարզական ճամբարը և զինյալների հավաքագրման կենտրոնը
Ֆրանսիայի պաշտպանության նախարարությունը տեղեկություն է տարածել այն մասին, որ 12 ֆրանսիական ռազմական ինքնաթիռներ ռմբակոծել են Սիրիայի Ռաքքա քաղաքը, որը «Իսլամական պետություն» (ԻՊ-İŞİD) ահաբեկչական խմբավորման մայրաքաղաքն է համարվում: Ըստ թուրքական «Hürriyet» պարբերականի կայքի՝ կործանիչներն ուղարկվել են Արաբական Միացյալ Էմիրություններից (ԱՄԷ) և Հորդանանից և 20 ռումբ են արձակել ԻՊ-ի ղեկավարման կենտրոնը, ռազմաբազան, ռազմամարզական ճամբարը և զինյալների հավաքագրման կենտրոնը: Ահաբեկիչների դիրքերին ուղղված JDAM (Joint Direct Attack Munitions) տեսակի հակաբունկերային ռումբերի վրա գրված է եղել «From Paris with love» (Սիրով Փարիզից):
Հիշեցնենք, որ նոյեմբերի 13-ին Ֆրանսիայի մայրաքաղաք Փարիզի 6 տարբեր հասարակական վայրերում գրեթե միաժամանակ իրականացված զինված հարձակումների և մահապարտների ինքնապայթեցման հետևանքով տարբեր տվյալներով 130-150 քաղաքացի է զոհվել: Ահաբեկչությունների հետևանքով վիրավորվածների թիվը հասնում է մի քանի հարյուրի, որոնցից շատերի վիճակը ծանր է: Ավելի ուշ ԻՊ-ը ստանձնել է ահաբեկչության պատասխանատվությունը:
Ֆրանսիական իրավապահ ուժերը պարզել են որոշ ահաբեկիչների ինքնությունները: Դրանք են՝ 26-ամյա Սալահ Աբդեսլամը, որի նկատմամբ միջազգային հետախուզում է հայտարարվել, ինչպես նաև մահապարտներ 20-ամյա Բիլալ Հադֆին և 31-ամյա Բրահիմ Աբդեսլամը, որը որոնվող Սալահ Աբդեսլամի ավագ եղբայրն է: Ավելի վաղ նաև հայտարարվել է, որ համերգասրահի վրա հարձակում իրականացնողների մեջ է եղել Ֆրանսիայի քաղաքացի 29-ամյա Օմեր Իսմաիլ Մուսթաֆան:
Ֆանսիայի նախագահ Ֆրանսուա Օլանդը եռօրյա սուգ էր հայտարարել երկրում և փակել երկրի սահմանները: Օլանդը նաև չեղյալ էր հայտարարել «Մեծ քսանյակի» (G 20) գագաթնաժողովի առթիվ իր այցելությունը Թուրքիա:
Այս ենթաբաժնի վերջին նորությունները
Oրակարգում են լինելու դատական համակարգի փոփոխության նախագծի, կրթության ոլորտի և տնտեսության վերաբերյալ հարցեր:
Նախարարները մտքեր են փոխանակել պատմական «Մետաքսի ճանապարհի» կամրջի համատեղ վերականգնման շուրջ
Նման քայլը պայմանավորված է Նիկեայի 1-ին տիեզերական ժողովի 1700-րդ տարելիցով:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մայիսի 19-ին՝ Իրանի և Ադրբեջանի Հանրապետության սահմանին գտնվող ջրամբարի բացման արարողությունից վեռադառնալիս Իրանի նախագահին տեղափոխող ուղղաթիռը կործանվել էր:
Oրակարգում են լինելու դատական համակարգի փոփոխության նախագծի, կրթության ոլորտի և տնտեսության վերաբերյալ հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |