Թուրքական ոստիկանությունը Դիարբեքիրում գրոհել ԻՊ-ի գաղտնի հավաքատեղին. կան զոհեր (ԼՐԱՑՎԱԾ)

Տարածաշրջան11:45, 26 Հոկտեմբեր 2015

Թուրքական ոստիկանությունը Դիարբեքիրում գրոհել ԻՊ-ի գաղտնի հավաքատեղին. կան զոհեր (ԼՐԱՑՎԱԾ)

11:45

Հոկտեմբերի 26-ի վաղ առավոտյան թուրքական ոստիկանության հատուկջոկատայինները զինված օպերացիա են կազմակերպել Թուրքիայի Դիարբեքիր նահանգի Քայափընար շրջանի Հուզուրեվել թաղամասում, որտեղ գտնվում է «Իսլամական պետություն» (ԻՊ) ահաբեկչական կազմակերպության գաղտնի հավաքատեղին:

Ինչպես իրազեկում է թուրքական «haberler» լրատվակայքը, ոստիկանության հատուկ գործողության ժամանակ զինված ընդհարում է տեղի ունեցել, ինչի հետևանքով սպանվել է 2 թուրք ոստիկան և ԻՊ-ի 4 ահաբեկիչ: Եվս 4 թուրք ոստիկան էլ վիրավորվել է:

Նախքան օպերացիայի սկսվելը վերոնշյալ վայր են տեղափոխվել զրահապատ մեքենաներ և իրականացվել են անվտանգության համապատասխան միջոցառումներ:

(լ ր ա ց ո ւ մ)

Թուրքական «milliyet»-ը տեղեկացնում է, որ Դիարբեքիրի վերոնշյալ հատուկ գործողության մասին հայտարարությամբ է հանդես է եկել փոխվարչապետ Նուման Քուրթուլուշը: Ըստ նրա փոխանցած տեղեկության՝ հայտնի են դարձել նոր մանրամասներ. ռազմական գործողության ընթացքում սպանվել է 7 ահաբեկիչ, իսկ 12-ը՝ ձերբակալվել: Թուրքական կողմի տված զոհերի թիվը հասել է 5-ի (ոստիկան):

Նշվում է, որ վնազերծված ահաբեկիչները մասնակցություն են ունեցել հոկտեմբերի 10-ին Անկարայում իրականացված ահաբեկչական պայթյունների կազմակերպմանը:

Աղբյուր` Ermenihaber.am

Այս ենթաբաժնի վերջին նորությունները

17:19, 22 մայ

Թուրքիան և Սիրիան ստորագրելու են հիդրակարբոնային համագործակցության պայմանագիր

Թուրքիայի էներգետիկայի և բնական ռեսուրսների նախարար Ալփարսլան Բայրաքթարը մեկնել է Դամասկոս։

15:33, 22 մայ

Թուրքիան 2030-ից կանցնի ջրային ճգնաժամի մեջ գտնվող երկրների շարք

Փորձագետների գնահատականներով՝ մինչև 2100 թ․ Թուրքիայի ջրային պաշարները 25%-ով կնվազեն։

12:26, 22 մայ

Թուրքիայում տրվել է ցունամիի նախազգուշացում

Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։